Ja çka deklaroi Ramiz Lladrovci në Konventën zgjedhore

Në Konventën e 9-të zgjedhore të PDK-së, kryetari i Drenasit, Ramiz Lladrovci, ka mbajtur një fjalim, i cili është vlerësuar mjaft kritik ndaj dukurive negative.

Ja fjalimi i plotë i Z. Lladrovci:

“I nderuari Kryetar Veseli, Kryesi e punës, Të nderuar delegat të konventës, Sot, dua ta prezantoj modelin e qeverisjes në Drenas të PDK-së, model që për dy vjet e gjysmë i solli këto shpërblime për komunën tonë: 1.Komuna më transparente, 2.Komuna që u shpërblye për kriterin e barazisë gjinore, 3.Komuna me performancë të lartë në administratë, 4.Komuna me suksese në ruajtjen e ambientit, 5.Komuna e parë që largoi të gjithë zyrtarët me akuzë, Komuna që fitoi grante, me vlerë mbi 500 mijë euro donacione, përtej buxhetit të planifikuar dhe të lejuar të shtetit. Kjo siç po shihet, ne që nga 1 janari i vitit 2017 jemi duke sjell diçka të re, kjo po shihet: Është Dekadë e Re për pushtetin lokal. Dekadë e re me njerëz që e kanë për nder të emërohen, Dekadë e re me njerëz të arsimuar që vetëm meritokracia i solli në pozita, Dekadë e re për Drenasin dinamik me projekte dhe vizion në shërbim të qytetarit, me përkrahje pa rezervë nga lideri ynë, Kadri Veseli. Si i arritëm këto? Si arritëm të marrim 6 asambleistë nga partitë tjera në grupin tonë parlamentar, Si arritëm të jenë me ne familjet që nuk ishin deri tash në rrugëtimin tonë të përbashkët, Vetëm me një veprim: Duke zbatuar ligjin. Në këtë sallë, të nderuar bashkëpartiak, kemi mjaft që e zbatojnë ligjin. Por edhe e kundërta, kemi përfaqësues që edhe numërimin e votimit me kamerë e korrigjojnë. Këtu kemi përfaqësues që më kanë thënë, Ramiz na njihem dhe jemi miq, me qëllim për ta shkelur ligjin, jo i kam thënë. Nuk lejoj shkelje ligji nëse ne njihemi e jemi miq. Pse disa deputet këtu, marrin qindra vota në Drenas, pa i shkel këmba kurrë në Drenas, Të nderuar, me buxhet të shtetit, bëjnë vota për veti dhe miqtë e vet, por jo për të mirën e qytetarëve që i përfaqësojnë. Prandaj, duke mos u përfaqësuar bastioni denjësisht me personalitetet më të mira, ka rënie të votave. Pasi hyri në pushtet PDK-ja, në vend që me hov të shtohet vota e PDK-së, ajo u shtua pak, për të rënë në nivelin më të ulët të zgjedhjeve në këto të fundit. Shkaku jemi na. Këtu jemi në këtë sallë. Të nderuar delegatë, Të zgjedhurit e rinj, nga kjo Konventë, duhet të heqin defektet në parti, si pjesë e një vizioni të ri, Dekadës së Re: Të largohen sabotatorët me votë kur vet nuk janë në pushtet, Të largohen shantazhuesit e partisë sot me votë, kur rrethin e parë e të dytë të familjarëve i ka sistemuar brenda institucioneve duke mos reflektuar misionin as vizionin e PDK-së, Të ndëshkohen me votë frenuesit e Dekadës së Re, larg të korruptuarit dhe profiterët. Të largohen sot me votë keqpërdoruesit e besimit. të korrigjohen defektet në parti. Partia jonë merr besimin e rreth 200 mijë qytetarëve, për këto 20 vjet, si parti e dinjitetit, përkushtimit dhe vendosmërisë që projektin e heronjve e dëshmorëve tanë ta çojmë përpara. Shtet ku sundon ligji, demokracia, prosperiteti, ku çmohet dinjiteti dhe vlerat njerëzore. Ju të gjithë e dini, se u ngritëm kundër okupatorit për shkak të pabarazisë. Sot dua ta sulmoj pabarazinë e cila ndikon fuqishëm që njerëzit ta lëshojnë jo vetëm PDK-në por vendin tonë. Sot dua t’i sulmoj sabotatorët dhe grabitçarët e zhvillimit të PDK-së në parti të vlerave më të mira. Dua të sulmoj ata që duan të pëlcasin nga pushteti dhe nga ndikimi jomeritor. Në parti nuk ka ndëshkim. Sot ndëshkoni me votë ata. Të marrë përgjegjësi secili që rekomandon veprime të gabueshme. Sot, kundërshtarët më të mëdhenj i kemi ata që përfituan më së shumti nga PDK-ja. Ky kuvend le të jetë shembull që funksionarët e lartë të punojnë secili në nëndegën e vet, sepse morën besimin por nuk e shtuan votën e PDK-së. Kundër meje, janë deklaruar edhe anëtarë të degës së PDK-së në Drenas e më gjerë, në media më akuzuan për gjëra qesharake. Këta keqbërës, kur filloi fushata, edhe pse kisha deklaruar dhjetëra herë se nuk do të kandidoj për kryetar dege, shumica kanë dezinformuar se do të dal kandidat dhe besimin e dhënë do ta keqpërdori. Pse kanë vepruar ashtu, e thjeshtë, ashtu kanë deklaruar keqpërdoruesit e besimit, keqpërdoruesit e pushtetit. Ata nuk e kanë besuar se ka njerëz që e mbajnë fjalën. Këtë mundësi kur e kanë marrë disa, e kanë keqpërdor dhe po e keqpërdorin. Duhet të mbështetemi në vlerat që çuan në themelimin e PDK-së, por keqpërdoruesit e besimit duhet të largohen. Të rinjtë duhet ta kenë hapësirën e pacenueshme. Pa qenë kandidat nga asnjë nivel, por me besimin e liderit tonë Kadri Veseli, po japim shembull për qeverisje lokale. Në asnjë rast, nuk e keqpërdori besimin e tij për të depërtuar tash në çdo lloj funksioni, duke uzurpuar çdo pozitë. Të gjithë duhet të kenë rast, jo një familje dhe një grup i përjetshëm qeverisës.

Falenderim publik

Në prag të 20 vjetorit të çlirimit të Atdheut tonë Kosovës nga Serbia pushtuese, që u realizua me luftën titanike e heroike të USHTRISË ÇLIRIMTARE TË KOSOVËS dhe ndihmës kolosale e vendimtare të SHBA-së dhe NATO-s, e në 20 vjetorin e çlirimit të Komunës së Gjilanit, njëra nga rrugicat e lagjes së Smakajve në fshatin tonë Cernicë, nderohet me emrin e stërgjyshit tonë Sylejman Sylejmani, luftëtarit të lavdishëm të çetave liridashëse të Komandantit e strategut legjendarë të Grykës së Kaçanikut Idriz Seferi!

Në emer të fisit të Babës Sylë dhe në emrin e familjes së madhe 93 anëtarëshe Sylejmani që jetojmë në këtë rrugicë në lagjen e Smakajve, e falenderojmë komisionin e të gjitha niveleve të Komunës së Gjilanit për përcaktimin dhe vendimin që kjo rrugicë tani e tutje të mbaje emrin e stërgjyshit tonë! Pjestarët e familjes SYLEJMANI të Lagjes SMAKAJ!

Ismet Sylejmani Ish-Anëtar e Zëdhënës i Komandës së Shtabit të Zonës Operative të Karadakut të UÇK-së!

Cernicë, më 16 Qershor 2019!

‘Afër teje’ thotë Tafil Kurtishi

Ai ka lansuar këngën e tij të re. Këngëtari i talentuar Tafil Kurtishi në kanalin Youtube ka hedhur projektin e titulluar “Afër Teje”. Me tekst të vet atij e me orkestrim të Vedat Lushtaku, Tafili këtë këngë e ka finalizuar me klip.

Kur jemi te videoja, përpos që u bë nga VSM, vlen të theksohet se u xhirua në disa ambiente shumë të bukura. “Afër Teje” , kjo këngë e bukur do t’iu shoqërojë gjatë gjithë verës

Elezi: Rritja e kredirejtingut nga FITCH dhe WIR2019 pasojë e politikave pozitive të Qeverisë

Agjencioni “Fitch” ka bërë vlerësimin e kredisë të Maqedonisë Veriore nga BB në BB +, me një perspektivë të qëndrueshme. Vlerësimi i kredisë në vend tregon shkallën e rrezikut të investimit në një vend dhe një nga treguesit kryesorë që merr në konsideratë investitorët potencial kur marrin vendimet e tyre.

“Kjo arritje e jashtëzakonshme do të ndikojë tek të gjithë investitorët që konsiderojnë të investojnë në rajon. Përmirësimi i Kredirejtingut ndikon pozitivisht në vendimet për investim në një vend edhe më tej do të ndikojë në rritjen më të lartë ekonomike, eksportet më të larta, punësim më të madh dhe paga më të larta, kështu do ketë standarde më të mira të jetesës për qytetarët. Përmirësimi i Kredirejtingut gjithashtu redukton koston e borxhit të qeverisë”, vlerësoi kështu zëvendës ministrja e financave Shiret Elezi.

Në raportin e Fitch theksohet se standardet e përmirësuara me mbështetje të qeverisë si në zbatimin e reformave për të rritur besimin se vendi nuk do të kthehet si në vitet e mëhershme. Fitch vëren se ky ndikim vjen si pasojë e përparimit në rrugën drejtë anëtarësimit në NATO dhe hapjen e negociatave për anëtarësim në Bashkimin Europian, përparim ky që mbështet besimin e investitorëve dhe vepron si një spirancë për reformat dhe stabilitetin makroekonomik.

Raporti i Komisionit Europian me rekomandim për fillimin e negociatave gjithashtu komentohet për të pasqyruar përparimin e reformave në fushat kryesore edhe atë si sundimi i ligjit, drejtësia dhe administrata publike.

Maqedonia Veriore ka pasur rritjen më të madhe të investimeve në Ballkanin Perëndimor, vë në dukje “Raportin Botëror të Investimeve për 2019” në Raportin Botëror të Investimeve të UNCTAD-it 2019.

Raporti thekson se fluksi i investimeve të huaja direkte në vend është rritur me 260 për qind, nga 205 milionë në vitin 2017, investimet këtë vit janë rritur me tre herë, duke arritur në një rekord prej 737 milion dollarë.

“Ky sukses rendit këtë raport globale të investimeve për shkak të politikave të reja ekonomike të Qeverisë së Republikës së Maqedonisë Veriore në dy vitet e fundit, për herë të parë pas një periudhe të gjatë kohore të krijojë një atmosferë të favorshme dhe kushte reale të vendit të pozicionohet si një destinacion i qëndrueshëm i biznesit. Për pjesën më të madhe, qeveria ka një angazhim të fortë për të intensifikuar integrimin në BE dhe NATO dhe kështu ta pozicionojë vendin si një destinacion të qëndrueshëm afarist që siguron siguri ligjore dhe ekonomike për investitorët. Përfundimi i proceseve të reformave dhe zbatimi i politikave të reja ekonomike të Qeverisë e vendosë vendin si një nga destinacionet më tërheqëse për investime në mbarë Europën”, vlerëson kështu Elezi.

Shkurte Dushica, një yll mode në shkëlqim vjen me një set fotosh fantastike…!

Ajo është shumë e re por mjaft premtuese në botën e modelingut. Shkurte Dushica, e cila jeton dhe punon në Zvicër ka pasion modelingun dhe vetëm prej pak ditësh ka realizuar një set fotografik me një nga fotografët më në zë në Zvicer si René Brüngger, i cili ka sjellë një Shkurte mjaft tërheqëse, fotozhenike, të fortë  dhe me një pamje të vendosur drejt suksesit në të ardhmen. Shkurta do jetë e deleguara e Zvicrës në eventin e modës, “Top Model Universe 2019” dhe ne i urojmë suksese! Më poshtë keni disa foto të saj nga seti i ri:

Forumi Ekonomik i Vjenës (VEF) shkëlqen përsëri me një parti elegante kopshti në Akademinë Diplomatike në Vjenë

Forumi Ekonomik i Vjenës (VEF) shkëlqen përsëri me një parti elegante kopshti në Akademinë Diplomatike në Vjenë. Edhe Këtë vit, ambasadat e vendit nuk kursyen përpjekje dhe kohë personale për të treguar mysafirët aftësitë e tyre rajonale kuzhinore, së bashku me programin muzikor. Më 14 qershor anëtarët dhe miqtë e Forumit Ekonomik të Vjenës (VEF) gëzuan festën e 18-të tradicionale të kopshtarisë në kryeqytetin austriak.  Ashtu si në cilindo nga këto 18 vjet, ajo ofron një udhëtim kuzhinar dhe muzikor nëpër shtetet anëtare të Forumit Ekonomik të Vjenës.
Kjo ka qenë një ngjarje e preferuar e mbajtur deri më tani në kryeqytetin austriak dhe në Gutenstein për hapjen e verës, organizuar nga Sekretari i Përgjithshëm i VEF Dr. Elena Kircheva së bashku me ambasadorët në Vjenë të anëtarëve të forumit: Shqipëri, Bosnjë dhe Hercegovinë, Bullgari, Kosova, Lituania, Maqedonia, Moldavia, Rumania, Sllovenia, Turqia, Ukraina, Kroacia, Mali i Zi.
Pritja e parë e këti lloj Të Kopsht-it i këtij formati është mbajtur në vitin 2004 në kopshtin e rezidencës së të atëhershëm Ambasadori i Bullgarisë Dr. Elena Kircheva. Dhe që nga ajo mbahet çdo vit, Bordi Drejtues i Forumit Ekonomik të Vjenës arriti ta kthyer atë në markën e saj të tjera. 18 vite rresht Kopshti i mbajtur nga ana e forumit shumë të suksesshëm të Forumit Ekonomik të Vjenës, i dedikuar ngjarjes së parë prestigjioze për Republikën e Maqedonisë Veriore në kryeqytetin austriak. Indeksi i lartë i Kryeministrit të pranishme Zoran Zaev, i shoqëruar nga ministrat e tyre më të rëndësishme u zhvillua më 20 maj 2019 në Vjenë.

Kryetar është koha e rinisë, e atyre që u rritën në BDI

Kryetar është koha e rinis e atyre që u rritën në bdii dhe u rritën për bdi-n dukee dhënë mund e vlerë, e shpirtë nga vetjaa për tu rrit edhe BDI është koha të vlersohen njerzit që vërtet e duan partin me zemër… Jo ata njerëz që kur mbesin pa post ua kthejn shpinën…. Dje e patëm edhe rastin më të ri kur një ish deputet tregon se largohet nga bdi arsye e gjithë ati është mbetja pa post… Po përsêri sësht faji i tyre…! Po faji i jonë si aktivist që lejojm gjithë njerezit me u bë diçka e ma shumë deputet… Që mos të ishit ju kryetar disa njerëz as qê e kishin parë në ëndërr post të thjesht e ku më deputet.

Nuk është ai i vetem ka edhe disa të tjerë ish ambasadora e ish ministra që kur mbeten pa post filluan te jenë #ANALISTAPOLITIK dhe të kthejn shpinën bdi-s duke u munduar ti hakmerren nëpërmjet kolumnave te tyre. Kryetar rinia është asht i fortë që nuk gëllditet lehtë,vërtet jemi rini moderneee por moderniteti jonë na ka mësuar që ati që ta zgjat dorën mos me ja kthy shpinën…! Andaj kryetar duhet pastrim i disave figurave porfitere politikee që të ecin punët përpara…! Kur do largohen Ato disa keni me parë se edhe ata që kan poste tash kur tlargohen kan me shajt sepsee profiterët politik duan pozitën e jo partin e juve, jane te rrallë ata që nuk jane në pozit por ende i keni besnik mbas vete…!

Vlersoni vlerën kryetar dhe të pastrojm partinë nga antivlera nga profiterët e banditët nga ata që i morre nga balta me i bë njerëz me krevata… Kryetar reagimi im është sepse e dua partinë dhe juvee…. Është koha e pastrimit dhe rekounstrimit të mbrendshëm në parti… Besnik deri në fund me juve Lideri im Ali Ahmeti….

Teuta Hoxha: Ky akt historik i Kosovës u arrit me luftën e bijve të shquar të saj, që krijuan dhe luftuan në UÇK

Me rastin e 20 vjetorit të çlirimit të vendit, popullin e Kosovës e ka uruar reja e Enver Hoxhës, udhëheqësit të lavdishëm të Shqipërisë dhe popullit shqiptar, Teuta Hoxha. Ajo ka thënë së se ky akt historik u arrit me luftën e bijve të shquar të saj, që krijuan dhe luftuan në UÇK. “Urime për të gjithë popullin e Kosovës, me rastin e 20-vjetorit të Lirisë! Çlirimi i Kosovës, ky akt historik u arrit, në radhë të parë me gjak e sakrifica të shumta të popullit tim kosovar, me luftën e bijve të shquar të saj, që krijuan dhe luftuan në Ushtrinë Çlirimtare të Kosovës. Në këtë luftë të drejtë, ndërhyrja e fuqishme e trupave të NATO-s me në krye SHBA ku një rol të spikatur luajti Presidenti Bill Clinton, arriti t’i jepte fund gjenocidit të makinerisë ushtarake serbe dhe spastrimit etnik, si dhe i dhuroi qytetarëve të Kosovës lirinë e shumëpritur. Në këtë ditë të shënuar, homazh për sakrificën supreme të komandantit legjendar Adem Jashari dhe të gjithë dëshmorëve të rënë në fushën e betejës”, ka shkruar Hoxha.

Lladrovci: Në stadiumin nacional, do të ofrojmë mikpritje, por fitoret janë tonat!

Me rastin e promovimit të projektit të Stadiumit nacional i cili do të ndërtohet në Drenas, kryetari i komunës Ramiz Lladrovci, ka shprehur gëzim sepse po realizohet premtimi për Drenasin me Stadium nacional. Ai po ashtu ka shkruar në rrjetin social se në Stadiumin nacional “do të ofrojmë mikpritje tradicionale, por fitoret do të jenë tonat”.

Ja postimi i plotë i z. Lladrovci:

“Projekti i Stadiumit nacional me objektet ndihmëse, i cili sot u prezantua për opinion, shënon suksesin e radhës për komunën tonë, realizim i premtimit tonë, Drenasi me stadium nacional. Stadiumi nacional, me vlerën e vet si objekt sportiv me standardet e FIFA-s, do të jetë arenë e luanëve tanë, dëshmitarë të fitoreve sikur ato të deritashme. Aty, ne do të ofrojmë mikpritje tradicionale, por fitoret do të jenë tonat!”

Bekteshi: E ardhmja e industrisë është në specializimin e mençur, digjitalizimin, aplikimin e ekonomisë qarkulluese dhe ndërkombëtarizimin

Ministri i Ekonomisë Kreshnik Bekteshi mori pjesë në Konferencën e 3-të ndërkombëtare shkencore mbi biznesin dhe ekonominë, me titull “Nga tranzicioni deri në zhvillim: Sfidat dhe perspektivat”, që u mbajt në Universitetin e EJL-së në Shkup.

Ministri Bekteshi gjatë konferencës foli mbi ndikimin e ekonomisë bazuar në njohuri mbi procesin e krijimit të politikave. Duke prezantuar një pjesë të masave dhe aktiviteteve të qeverisë për të mbështetur ekonominë e cila duhet ti ndjekë ndryshimet e shpejta teknologjike dhe për të ndihmuar kompanitë që t’i përshtaten kushteve të reja më shpejt por njëkohësisht si të rritet bashkëpunimi midis qeverisë, fakulteteve, bizneseve dhe komunave në mënyrë që shfrytëzojnë kapacitetet ekzistuese dhe potencialet, Bekteshi tha:

“Përmes Planit për rritje ekonomike dhe politikën e rishikuar industriale, në fokus kemi vënë industrinë e prodhimit, nxitjen dhe mbështetjen e investimeve, transferimin e teknologjisë, mbështetje për inovacionet, punësimet, bashkëpunim më të fuqishëm mes industrisë e ndërkombëtarizimit. Me një seri të re të masave po përpiqemi ti hapim ardhmëri industrisë drejt specializimit të zgjuar, dixhitalizimin e industrisë, aplikimin e një ekonomie qarkulluese e ndërkombëtare bazuar në prodhime të reja më cilësore dhe më konkurruese”.

“Ne si një ekonomi e vogël që jemi, e rrethuar me shumë avantazhe konkurruese natyrore, të ardhmen e saj duhet ta shofim në rinin e shëndoshë, profesionale, të kualifikuar, kreative, inovative me frymë sipërmarrëse, me qëllim që të shfrytëzojmë kapacitetet ekzistuese. Prandaj, roli i fakulteteve ka një vend të veçantë në krijimin e këtyre politikave, sepse krijon këtë kuadër të ri, i cili duhet të jetë shtylla kryesore dhe bartëse e zhvillimit ekonomik” u shpreh Bekteshi.

Sipas ministrit Bekteshi Republika e Maqedonisë së Veriut me seriozitet i është qasur përgatitjes së Strategjisë së mençur specializuese e cila duhet të jetë gati në vitin 2020. Përgatitja e sidomos zbatimi i kësaj strategjie do të thotë rritje e bashkëpunimit mes sektorit publik, sektorit të biznesit, sektorit për kërkime shkencore dhe inovacione, nxitjen e investimeve private në hulumtime dhe inovacione, qasje në fondet strukturore dhe investuese evropiane , qasje në fondet për kërkime, mjete teknologjike për inovacion dhe transfer të teknologjisë te NVM-të .

Rektori i Universitetit të evropës juglindore, akademik, prof. d-r Abdulmenaf Bexheti foli për sfidat me të cilat ballafaqohet shteti në periudhën pas tranzicionit, duke u fokusuar në diskrepancën e treguesve makroekonomikë gjatë viteve, si dhe në problemin e deficitit tregtar të vendit të shkaktuar nga dominimi i importeve në krahasim me shumën.

“Të gjitha këto aspekte që i diskutuam sot do të merren si lëndë hulumtuese ndërsa konkluzionet do të dërgohen tek krijuesit e politikave ekonomike në vend, sepse vërtetë janë të hapur për bashkëpunim”, tha akademik Bexheti.

Dekanja e Fakultetit të Biznesit dhe Ekonomisë, prof. Dr. Hirije Abazi spjegoi rëndësinë e temës së konferencës shkencore të këtij viti, e cila pasqyron faktin se ndryshime themelore kanë ndodhur në ekonomitë jo-evropiane tranzicionuese , si në karakter ashtu edhe në dinamikën e zhvillimit të tyre, e cila mund të ndikojë në mënyrën në të cilën vendet e Ballkanit Perëndimor , në procesin e anëtarësimit në BE dhe NATO do të përballen me sfidat që kanë përpara.

Në fjalimin e tij, ministri Bekteshi e mirëpriti veçanërisht shembullin e mirë të UEJL-së, i cili me themelimin e një parku teknologjik ndihmon sipërmarrësit e rinj inovativ dhe sipërmarrjet duke i ndërlidhur akademikët, sektorin e biznesit dhe autoritetet lokale dhe nacionale.