Abdul-Selam Selami uron Ditën e Evropës, Ditë që përfaqëson paqen dhe unitetin, shpresën dhe bashkëpunimin

Zëvendës drejtori i Agjencisë për mbështetje financiare në bujqësi dhe zhvillim rural, Abdul-Selam Selami ka uruar Ditën e Evropës, duke potencuar se kjo ditë që përfaqëson paqen dhe unitetin, shpresën dhe bashkëpunimin. Ai ka thënë se të gjithë së bashku po ecin drejt ëndrrës evropiane, procesit integrues në Bashkimin Evropian.

Ja postimi i z. Selami:

Data maj është dita e Europës. Kjo ditë përfaqëson paqen dhe unitetin , shpresën dhe bashkëpunimin. Vlerat dhe ëndrrat tona ndër vite janë udhëhequr drejt bashkimit europian. Te gjithë se bashku drejt ëndrrës europiane! Gëzuar Ditën e Europës!

Pse duhet të zgjedhim Universitetin Ndërkombëtar Ballkanik? (VIDEO)

10 arsye pse Universiteti Ndërkombëtar Ballkanik është zgjedhja yte e duhur!

#1 – Universiteti më i mirë në Maqedoninë e Veriut në kategorinë ligjërim dhe mësim sipas rangimit të Shangait.

#2 – Arsim 100% në gjuhën angleze

#3 – Mbi 30 programe studimore të nivelit Bachelor, Master dhe PHD!

#4 – Shkëmbim aktiv i studentëve në Evropë dhe Turqi përmes programeve Erasmus+ dhe Mevlana

#5 – Studentë nga 15 shtete të ndryshme

UNIVERSITET NDËRKOMBËTAR ME PLOTËKUPTIMIN E FJALËS!

#6 – Mbi 1000 bursa të ndara për studentë të dalluar deri më sot

#7 – Mbi 150 marrëveshje ndërkombëtare për bashkëpunim me universitete nga 40 shtete të botës

#8 – Kampus i ri në Shkup me standardet më bashkëkohore

#9 – Kuadër akademik i kualifikuar dhe professional me reputacion dhe përvojë ndërkombëtare

#10 – Partneritet me bizneset, mundësi të shumta për punë praktike dhe punësim për studentët

Haklaj: Ngadhënjimi i doktrinës së Ali Ahmetit

Ngadhënjimi i Doktrinës së Ali Ahmetit. Konstruktor i Shtetit të së drejtës, paritetit qytetar, harmonisë ndërfetare, integrimit Euroatlantik të Maqedonisë së Veriut. Maqedonia e Veriut, nga një republikë e ish Jugosllavisë, aleate e Serbisë pushtuese u bë shtet i pavarur, i njohur ndërkombtarisht, e aftë për të qendruar në këmbët e veta, u bë aleate e Natos, SHBA-së, Britanisë Madhe, Francës, Gjermanisë, mori ftesën për në BE. Lord Xhorxh Robertson, në emër të grupit të Ohrit ka falenderuar këto ditë z Ali Ali Ahmeti: “Po ju shkruaj në këtë ditë historike kur Flamuri i Maqedonisë së Veriut me krenari valvitet para Selisë së Natos. Ju uroj Ju, Partinë tuaj për përpjekjet tuaja për të arritur në këtë ditë për tu mbajtur mend. Kështu që ne festojmë me Ju se vendi juaj është inkuadruar në Aleancë”. Në fakt shqiptarët kanë gëzim të dyfishtë sepse aty kanë Flamurin Kombëtar dhe atë shtetëror. Për suksesin e Maqedonisë së Veriut kontribut kolosal ka udhëheqësi i shqiptarëve të Maqedonisë së Veriut, i cili deshmoj madhështisë e tij, që me qetësi, maturi e durim qëndroj fort në kursin Euroatlantik, në akord të plotë të vokaconit përendimor të shqiptarëve dhe institucioneve ndërkombëtare. Ai eci me vendosmëri në Sagën e gjatë, përmes shumë kasandrash prej katër dekadash, si veprimtar i shquar i Çështjes Kombëtare, si strateg i luftës, arkitekt i paqes, konstruktor i shtetit të së drejtës sipas real politikës, konsolidimit të demokracisë, forcimit të harmonisë ndërfetare, e së fundmi integrimit Euroatlantik të Republikës. Doktrina e tij ngadhnjeu. Ali Ahmeti modestisht shprehet: “Të gëzojmë bashkërisht ato që kemi mbjellur” Sllogani i Ali Ahmetit dhe BDI-së ka qënë gjithmonë : “Bashkë”. Ali Ahmeti është njëri nga drejtuesit më të rëndësishëm të Lëvizjes Studentore në vitin 1981, në Kosovë, veprimtari për të cilën dhe për të tjera në dobi të kauzës shqiptare, ka qenë i dënuar me vdekje për njëzet vjet rresht nga gjykata serbe. Në vitet 1984-1986 ka ndihmuar në ripërtërirjen e lëvizjes studentore dhe popullore në Kosovë. Në keto vite vepronte në Ilegalitet sepse ishte i dënuar me vdekje nga regjimi serb, ku dhe mori statusin e azilantit politike në Zvicërr. Në vitet 1988-1989 ai është njëri nga mbështetesit kryesorë të protestave të minatorëve dhe studentëve, të cilat për herë të parë e sfiduan seriozisht regjimin e Sllobodan Milosheviçit. Në vitet 1989-1990, ai ka qenë njëri nga organizatorët e protestave masive të diasporës shqiptare nëpër Europë. Mbështetjen e tij politike gjatë këtyre viteve Ahmeti e ka pasur në Lëvizjen Popullore të Kosovës. Në vitin 1986 ai është zgjedhur anëtar i Këshillit të Përgjithshëm, me detyrë ndërlidhjen ndërmjet Kosovës dhe Europës. Në vitin 1988 ai është zgjedhur anëtar i Kryesisë së Lëvizjes Popullore të Kosovës, funksion në të cilin është rizgjedhur në vitin 1993, me detyrë speciale sektorin ushtarak. Në vitin 1996, në vlugun e rritjes së presionit dhe dhunës kundër shqiptarëve të Kosovës, Ahmeti ka qenë njëri ndër themeluesit e Ushtrisë Çlirimtare të Kosovës dhe në vitin 1998, në fillim të luftës, ai është zgjedhur anëtar i Shtabit të Përgjithshëm të Ushtrisë Çlirimtare të Kosovës. Lufta për çlirimin e Kosovës në fund të shekullit të XlX-të, lufta e shqiptarëve të Maqedonisë së Veriut në fillim të shekullit të XX-të nxori në skenën politike liderin me reputation e vizion të jashtëzakonshëm, veteranin e lëvizjes kombëtare. Shumë pak liderë shqiptarë, aleatë ndërkombêtarë, analistë e besonin se strategu i luftërave do të imponohet në Maqedoninë e atëhershme, as nuk e mendonin biles se do të bëhej partneri më i besuar i faktorit ndërkombëtar e do të shdërrohet në një politikan kalibri e faktor përcaktues dhe me mesazh të qartë. “Nuk ka Maqedoni pa shqiptarë, si qytetar me paritet “. Ali Ahmeti, mori përsipër një mision hyjnorë ashtu si Moisiu biblik për të nxjerrë popullin e tij nga skllavëria. Në vitin 2001 Ahmeti zgjidhet Komandant Suprem dhe Përfaqësues Politik i Ushtrisë Çlirimtare Kombëtare në Maqedoni. Pas Marrëveshjes kornizë të Ohrit të nënshkruar në gusht dhe shpërbërjes së Ushtrisë Çlirimtare Kombëtare në shtator të këtij viti, Ahmeti angazhohet aktivisht në procesin e implementimit të Marrëveshjes Kornizë. Për këtë qëllim, në fillim të vitit 2002 ai e inicoi dhe u emërua Kryesues i Këshillit Koordinues që bashkonte partitë politike shqiptare në Maqedoni dhe strukturat e mëparshme të Ushtrisë Çlirimtare Kombëtare në një platformë të dizenjuar për ta shtyrë përpara implementimin e marrëveshjes paqësore. Në qershor të vitit 2003, Ahmeti themelon Bashkimin Demokratik për Integrim dhe zgjidhet kryetar i kësaj partie. Në shtator të vitit 2003 Bashkimi Demokratik për Integrim e fitoi besimin e shumicës dërrmuese të elektoratit shqiptar në zgjedhjet parlamentare të Maqedonisë. Ali Ahmeti u zgjodh deputet i Parlamentit të Republikës së Maqedonisë, ndërsa Bashkimi Demokratik për Integrim e grupi parlametar, përfaqësuesit në qeveri e pushtet lokal prej 17 vitesh kanë implementuar e materalizuan me sukses doktrinën triumfuese të liderët të saj ngadhnjimtarë. Pra, Ahmeti është njëri nga drejtuesit e Lëvizjes Çlirimtare të Kosovës, komandant i Ushtrisë Çlirimtare të Maqedonisë, aktor kryesor i Marrëveshje së Ohrit, njëri nga politikanët më të vendosur në aksionin politik për ridimensionimin e çështjes sonë kombëtare në Gadishullin e vjetër dhe në Europën moderne. Ai është njeriu që çoi Skënderbeun, arkitektin e Nëntorit të parë të shqiptarëve në Shkup, për të dëshmuar vijimësinë e qëndresës shqiptare, përballë çdo humbje në kohë dhe harrim. Gjithashtu solli në Shkup shtatoren e Shen Terezës, ikonës së lirisë dhe drejtësisë sociale të Botës, modelit të njeriut që u ngrit mbi unin e saj dhe mbi çdo ego njerëzore, në emër të më të varfërve dhe më të rrënuarave të Botës sonë. Ato tashmë flasin shqip sepse Gjuha Shqipe është zyrtarizuar, dhe ligji është firmosur pas votimit të deputetëve nga kryetari i Parlamentit të Republikës, tashmë me emrin Maqedoni e Veriut nga kryetari Telat Xhaferi. Zyrtarizimi i Gjuhës Shqipe, universitetet shqiptare në Shkup,Tetovë, Strugë, përmbushin amanetin e Kol Bojaxhiut, babait të Shën Terezës i vrarë 100 vite më parë sepse kërkoj që gjuha jonë të jetë zyrtare si ajo maqedone. Këto Shtatore sot janë më të vlefshme se “Shkupi një miliardë dollarë i Gruevskit”. Gruevski ja ka mbathur duke u zvarritur maleve në krah të Drinit të Zi, përballë Grykës së Radikës ku marshoj ushtria pushtuese e Harejdin Pashës, e cila nuk u kthye kurrë sepse mbeti në malet e Dibrës ndërsa ato qëndrojë si Keopse në mes të Shkupit. Ali Ahmeti pati kremtuar me madhështi 100 vjetorin e Pavarësisë së Shqipërisë, pasi pati festuar me po kaq madhështi e solemnitet 100 vjetorin e çlirimit të Shkupit, kur prijësit shqiptar Hasan Prishtina, Isa Boletini, Bajram Curri, Riza Bej Gjakova, Naxhip Draga, Bajram Daklani, në krye të mijëra kryengritësve hyjnë triumfatorë me dt 12 gusht të vitit 1912, në Kalanë e Justianianit në vend të flamurit turk vendosën Flamurin Kuqezi të Gjergj Kastriotit (Skënderbeut). Falë këtij heroi të kohës sonë është ruajtur i pacënuar identiteti shqiptar, rrënjët e vjetëra të Kombit tonë. Nuk ka trevë të trojeve tona etnike, ku të mos ketë shkelur këmba e Ahmetit, duke mbjellë në çdo zemër shqiptare besimin tek kauza jonë, e cila është bërë një realitet në veprim, më dinjitoze dhe më largpamëse se kurrë, edhe falë këtij burri të shquar të Kombit Shqiptar. Unë kam pasur rastin fatlum që si President i Unionit Artistik të Kombit Shqiptar të bashkëpunoj me politikanin energjik, atdhetar e vizionar i cili ka qenë mbështetës i veprimtarive të këtij Unioni në Strugë, Shkup, Dibër të Madhe dhe Gostivar. Ali Ahmeti është një strateg i luftës dhe arkitekt i paqes, jo vetëm në Maqedoni e Kosovë, por në gjithë hapësirën etnike shqiptare, pasi kauza e tij ka qenë njësh me kauzën kombëtare, vizioni i tij kanë qenë njësh me vizionin euro-atlantik të një kombi historik të ridimensionuar në Ballkan, në bazë të kësaj të drejte, e cila mund të vonojë, por nuk mund t’i shpëtojë verdiktit të kohës sonë. Doktrina e Ali Ahmetit ngadhnjeu. Filozofia e tij e real politikës, paritetit qytetar , konsolidimit të demokracisë, paqes, bashkëjetesës ndërfetare, forcimit të shtetit të së drejtës dhe integrimit Euroatlantik u kurorëzua me sukses. Ka 20 vjet që po ecën me hapa të matura dhe të sigurtë, përmes shumë kurthesh neootomane, intrigash sllavo- bizantine për të ardhmen e shqiptarëve që ata të kenë peshën reale të shtetëformimit. Gjatë gjithë këtyre viteve të ngjeshura me aksione kombëtare ai ka lëvizur në terren të sigurtë për shqiptarët, për përballues dhe të veshtirë për vehten e dhe BDI- në, i cili është dashur të ngrihet mbi çdo interes utilitaro-politik të çdo individi e grupi në ëmër të asaj që është e shenjtë dhe e patjetësueshme Çështjes Nacionale. Një maksimë franceze thotë: “E verteta qëndron në fund të pusit”. Aristoteli, filozofi i lashtë grek na ka mësuar: “E verteta duhet thënë troç, edhe sikur të jenë kundër saj të gjithë”. Në fakt vetëm e verteta të ban të lirë. Ahmeti për katër dekada ka folur me gjuhën e së vertetës. Doktrina e Ali Ahmetit vertetoj aforizmin e Lord Bajronit: “Shqiptarët me veshjet e tyre krijojnë një peisazh të mrekullueshëm në Botë. Ata janë raca më e bukur njerëzore që ekziston, trima, më të fortë së keshtjellat e tyre”. Maqedonia ishte për shumë arsye nyja gordiane e Ballkanit dhe Ali Ahmeti ka meritën se kurrë nuk pranoj skenarët për ndarjen e saj, asnjëherë që përfundimisht shqiptarët të humbnin trojet e tyre autoktone mijëra vjeçare, ku i kanë farën dhe rrënjët e veta iliro- dardano- arbërore si banorët më të hershëm të tyre. Po përpiqem me fakte historike e argumenta të pakundërshtueshëm të historianëve të shquar të vertetoj këtë pohim aksiomatrik. Emri i Maqedonisë lidhet me emrin e Aleksandrit të madh, strategut gjenial të betejave dhe arkitektit të parë të Rendit të Ri Botëror pa mbretër, tiranë dhe despotë. Është njohur botërisht nga historia që nga Plutarku i lashtësisë e deri në ditët tona se Leka i madh siç e thërrisnin shqiptarët ishte djali i Olimbisë pinjolles së derës së Pirros, pra me gjak nga nëna Ilir. Ai e gëzonte emrin e dajës së vet, Aleksandër Mollosit, udhëheqësit të Lidhjes Mollose, Mbret i Epirit. Kaq e vertetë është kjo sa kur e pushtoj Indinë e largët Aleksandri i madh ngriti një monument madhështor me 12 kollona të larta mermeri në kujtimi të perendive të tij pellazgo- Ilire.  Por ilirët kanë qenë para Aleksandrit të madh aty. Në brigjet e Vardarit kanë jetuar paionët, fis Ilir që kufizoheshin me dardanët, dhe me fiset e tjera penestët dhe desaretët e Ilirisë. Paionët përmenden për të parën herë si aleatë të trojanëve kundër akejëve në shekullin e pestë p.e.s. Me urdhër të Darit të Persisë dy fise të tyre u shpërngulën në Azi. Në gjysmën e parë të shekullit të IV p.e.s formuan Mbretërinë e tyre me udhëhqës Agis-in. Që këtu fillon lufta me maqedonët për ti nënshtruar por kjo u arrit vetëm në kohën e Filipit të Dytë dhe Aleksandrit të madh. Pas pushtimit romak Paionia u nda midis krahinave të dytë dhe të tretë, në të katër provincat autonome të krijuara nga pushtuesit Me riorganizimin administrativ të Perandorisë Bizantine nga Diokleciani Paionia sëbashku me Peloganinë formuan një provincë të veçantë të quajtur Macedonia e dytë ose “Salaries”. Historikisht Shkupi është thirrur kryeqyteti i dardanëve. Shqitarët kanë qenë shumicë pavarësisht genocidit e shpërnguljeve të tyre të dhunshme e të herëpasherëshme. Edhe në vitin 1967 kur ra termeti i madh sipas statistikave shqiptarët etnikë përbënin shumicën duke e tejkaluar Tiranën dhe Prishtinën. Mbreterëria e Ilirisë u themelua në brigjet Liqenit të Ohrit e Strugës nga udhëheqësi i enkelejëve që banonin aty, nga Bardhyli. Kërçova për herë të parë përmendet në histori në shekullin e dytë p.e.s me emrin Uskanë, pas përballjeve të romakëve me Perseun e Maqedonisë. Lashtësinë e shqiptarëve këtu e dëshmojnë varret Ilire të Zajasit, trojet në Kaleshe, Manastirishte, Arangjill, 12 keshtjellat e pushtuesve romakë të cilat u zhdukën gjatë dyndjeve sllave sëbashku me emrin e vjetër. Kërçova ra nën sundimin serb në vitet 1283-1394. Me fillimin e sundimin turk edhe ajo pësoj të njëjtin fat të popujve të tjerë të Ballkanit. Viti 1913 është viti i tragjedisë së madhe të popullit të kësaj zone, njerëzit përjetuan masakrat me të tmerrshme të grave, fëmijëve, pleqëve në qafë, Zajas, Greshnicë. Pas Luftës së Dytë Botërore shqiptarët e Kerçovës, dhe Maqedonisë së atëherëshme mbeten nën Jugosllavinë e dytë. Në Jugosllavinë e Titos e pësuan njësoj si në Mbretërinë Serbo-Kroate-Sllovene, por në menyrë më të kamufluar. Nën slloganin fallc “Vllazërim- Bashkim” për gjysëm shekulli u ushtrua dhunë dhe genocid e shpërngulje por pavarësisht kësaj shqiptarët nga pikëpamja demografike gjithmonë mbetën shumicë në trojet e tyre. Për të vertetuar historinë e lashtë të Iliro -dardano-arbërorëve dhe pohimeve tona na vijnë në ndihmë akademikët. Citoj, Barbaro Jeleviç: “Rrënjët e Maqedonisë së lashtë janë Ilire”. Dr Murico Druan, sekretar i Akademisë Frange: “Shqiptarët i përkasin popujve më të vjetër se vetë historia. Gjyshërit e tyre morën pjesë në Luftën e Trojës, të udhëhequr nga Akili në njërin krah dhe Hektori në anën tjetër”. Nikola Jorga deklaron: “Shqiptarët dhe baskët janë më të vjetërit e Botës”. Profesor Gordonov: “Skirtonët ilirë e kanë themeluar Heraklenë e Manastirit para 2500 vjetësh Ata kanë themeluar Resnjan dhe Prespën”. Dr Dushka Kostadinov: “Shqiptarët janë banorët më të hershëm të Gadishullit të Ballkanit”. Pr. Braisllav Nushiq: “Shqiptarët janë autoktonë, të cilët gjatë gjithë dyndjeve të popujve e ruajnë tipin dhe karakterin e vet në mënyrë të theksuar. Ata u bënë ballë sulmeve romake mësymjeve të dendura të sllaveve e turqëve.” E nëse i referohesh fakteve historike shqiptarët për 500 vjet të sundimit turk kanë organizuar 57 kryengritje të fuqishme për lirinë e tyre dhe të popujve të Ballkanit. E bëra këtë panoramë të gjatë faktesh historike për të vertetuar së shqiptarët ndonëse erdhën të parët në Gadishullin Ballkanik për më shumë se 23 shekuj luftuan me sakrificën kristiane për të ruajtur trojet e tyre. Për më shumë se dy mileniume ata u përballën me luftëra, dredhi, intriga, kurthe, platforma, projekte, konferenca, traktate, kongrese për copëtimin e trojeve të tyre deri në ditët e sotme. Më i freskëti ishte ishte plani ogurzi për ndarjen e Kosovës por që u ndalua nga barrikada e pakapërcyeshme Haradinaj. Fatkeqësisht në këtë projekt ishin aktorë të rendësishëm Rama e Thaçi. Pranimi i Maqedonisë së Veriut në Nato dhe ftesa për në BE është ogur i bardhë për faktorizimin e shqiptarëve në Rajon.

Merita i takon patriotit, atdhetarit, politikanit vizionar, strategut të luftës, arkitektit të paqes, konstruktorit të shtetit paritar Ali Ahmeti i cili me durim prej dy dekadash ia doli të finalizojë doktrinën e tij. Tashmë Kosova ëshë e lirë dhe e pavarur, Shqipëria është në Nato dhe e ka nisë rrugën drejt BE-së. Shqiptarët në Mal të Zi me votën e tyre u bënë përcaktues të integrimit Euroatlantik të Republikës Malazeze Ende presin të zgjidhet nyja gordiane e Luginës së Preshevës dhe plaga që kullon gjak, Kauza që nuk vyshket e nuk thinjet, Çamëria. AZGAN HAKLAJ, Mjeshter i Madh Ish deputet i Kuvendit të Shqipërisë. President i Unionit Artistik të Kombit Shqiptar “Kalorës i Urdhrit të Skënderbeut”.

Ganiu: Dezinfektojmë hyrjet e ndërtesave kolektive në lagjen Fushë Topanë

Kryetari i komunës së Çairit Visar Ganiu njoftoi se në lagjen Fushë Topanë po dezinfektohen hyrjet e ndërtesave kolektive.

“Dezinfektojmë hyrjet e ndërtesave kolektive në lagjen Fushë Topanë. Pas dezinfektimit të hyrjeve të ndërtesave kolektive të lagjes Çair i Vjetër, aksionin e punës ekipet e vijuan në hyrjet e ndërtesave të lagjes Fushë Topanë.

Procesit të dezinfektimit iu nënshtruan të gjitha ndërtesat në rrugët: Metodija Mitevski, Petar Içko, Nikolla Grçeto, August Cesarec, Nikolla Maleshevski, Bllagoja Paroviq dhe Ferid Murad. Me punë do të vazhdohet deri në dezinfektimin e të gjitha hyrjeve të ndërtesave kolektive në territorin e Komunës së Çairit.” – shprehet Ganiu.

Dezinfektojmë hyrjet e ndërtesave kolektive në lagjen Fushë TopanëPas dezinfektimit të hyrjeve të ndërtesave kolektive…

Gepostet von Visar Ganiu – Faqja zyrtare am Donnerstag, 2. April 2020

Rreshjet e borës, drejtori Memeti: NP “Rrugët e Maqedonisë” vazhdon me pastrimin e rrugëve

Dita e parë e prillit ka përfshirë thuajse gjithë territorin e vendit nga reshje të dendura të Borës, të pazakonta për këtë periudhë të vitit. Reshje të borës ka së shumti në Tetovë dhe rajonin më të gjerë të Pollogut. Rrugët janë të kalueshme dhe nuk kanë pengesa, ndërsa vështirësi kalimi, ka kryesisht në rrugët drejt fshatrave të Malësisë së Sharrit dhe për në pikën turistike “Kodra e Diellit”. Drejtori i NP “Rrugët e Maqedonisë” , Bekim Memeti thotë se po punohet vazhdimisht që rrugët të jenë të kalueshme.

https://youtu.be/0U_E_5vi06s

Bytyqi: Vetëm me masën e pagës minimale për çdo punonjës kemi target 250.000 punonjës dhe 35.000 ndërmarrje

Masat e qeverisë për të trajtuar krizën ekonomike nga koronavirusi kanë për qëllim ekonominë, por shumë më tepër që punëtorët, të mbajnë punën e tyre dhe të fitojnë të ardhura të mira derisa kriza të përfundojë, kështu ka deklaruar kryetari i komisionit për financa në LSDM, Fatmir Bytyqi.

“Në grupin e parë të masave ne i ndihmuam së pari ata sektorë që ishin të parët që u goditën. Grupi i dytë i masave tashmë është synuar për të gjitha kompanitë. Rreth 87 përqind e kompanive kanë të drejtë të aplikojnë për këto masa. Vetëm masa e pagës minimale prej 14.500 denarë ka në target rreth 250.000 vende pune dhe 35.000 ndërmarrje”, deklaroi Bytyqi.

Me një mbështetje të këtillë, shtoi Bytyqi, që do të sigurohet në kushte të caktuara, do të thotë se kompanitë do të duhet të dëshmojnë se të ardhurat e tyre janë zvogëluar dhe të njejtat janë prekur nga kriza.

“Ushtar”, super projekti i ri muzikor nga Nikko (Video)

Industria muzikore shqiptare aktualishtë është shumë produktive, fal artistave të talentuar dhe përqafimit me rryma të reja muzikore kjo industi po sundon Europen. Një artist i ri po që premton shumë në industrinë e muzikës është Nikko. Nikko sapo ka publikuar projektin e ti më të ri me titull “ Ushtar” . Ky projekt është punuar në mënyr shumë profesionale dhe Artisti ne fjal e sjell të interpretuar në mënyrë të veçantë, këngë e cila pritet të rezultojë shumë e suksesëshme. Shumë prej artistëve tanë edhe pse emra të rinj janë pritur mirë nga publiku, Nikko është një emër që premton të ngritet shpejt në skenë e muzikes shqiptare . Kënga – Ushtar menjëher pas lansimit në youtube është vërshuar nga klikimet dhe komentet me nota pozitive.

Ahmeti Robertsonit: Ne tashmë jemi një familje, ne jemi NATO

Kryetari i Bashkimit Demokratik për Integrim, Ali Ahmeti, i është përgjigjur letrës së ish Sekretarit të përgjithshëm të NATO, Lord Xhorxh Robertson, i cili kishte uruar ditë më parë Ahmetin për meritat e tij për anëtarësimin e vendit në NATO dhe hapjen e negociatave për anëtarësim në Bashkimin Europian.

Në vijim, letra e plotë e Ahmetit drejtuar Lordit Robertson: I nderuar Lord Robertson, Ne tashmë jemi një familje, ne jemi NATO! Rruga jonë për t’u bërë një nuk ishte as e lehtë e as e shkurtë.

Vërtet, zgjati më tepër se sa e mendoja kur i besuam forcave paqëbërëse të NATOsë në vitin 2001 si dhe kur shtërnguam duart në takimin tonë në selinë e NATO në Bruksel në vitin 2003, por as ti, e as unë, nuk e humbëm synimin tonë dhe mbetëm të përkushtuar ndaj qëllimit tonë për dy shtyllat e vendit tonë, barazia nëpërmjet të zbatimit të Marrëveshjes së Ohrit dhe integrimit euroatlantik. Dhe ia dolëm!

Të gjitha të arriturat janë të përbashkëta, në secilin hap të rrugëtimit tonë, nga një vend në luftë deri tek vend anëtar i NATOsë dhe në negociata për anëtarësim në BE. Due të shfrytëzoj këtë hapësirë që të shpreh nderimet e mia të larta për ushtarët e rënë të NATOsë për paqën në vendim tim dhe respektin për të gjithë ata që shërbyen, do të kujtohen me krenari dhe do të vlerësohen përjetësisht.

Ne jemi këtu sot sepse këtë rrugë e bëmë bashkë me ju dhe me miqtë tanë në komunitetin ndërkombëtar me të cilët ndamë vlerat e njejta dhe të cilër qëndruan pranë nesh në të gjitha stuhitë gjatë dy dekadave të kaluara dhe asnjëherë nuk e humbëm përqëndrimin nga caku në një rrugë e cila ishte si asnjë tjetër të cilët e kemi bërë më herët. I dashur Xhorxh, dita për të cilën punuam aq shumë erdhi dhe ia arritëm! Desha të të siguroj ty dhe të gjithë bashkëpunëtorët në komunitetin ndërkombëtar që, bashkë me kolegët e mi, mbetemi partnerë të vërtet dhe të sinqertë në ndërtimin e një shteti demokratik dhe të barabartë, me sundim efektiv të ligjit, me marrëdhënië të qëndrueshme ndëretnike, një vend anëtar krenar i NATOsë dhe i Bashkimit Europian.

I juaji, Ali Ahmeti

Kryetar Bashkimin Demokratik për Integrim

Halil Kastrati dhe ‘Jetimat e Ballkanit’ shpërndajnë ndihma në Likovë, Kumanovë, Shkup, Tetovë e Gostivar, do vazhdojnë dhe më tej

Aksionet tona në Maqedoninë e Veriut!

Stafi dhe vullnetarët tonë ishin në Kumanovë e Likovë, në disa komuna të Shkupit, në Tetovë e Gostivar.

Ditëve në vazhdim aksioni jonë do të vazhdojë edhe në komunat tjera.

Pas përfundimit të aksionit në Maqedoninë e Veriut ne do të dalim edhe me listat e donatorëve.

Bamires Zoti ju shpërbleftë

www.jetimat.com

Aksionet tona ne Maqedonine e Veriut!Sot kemi pasur aksione me pako ushqimore ne disa komuna te Maqedonis se…

Gepostet von Shoqata Bëmirëse Jetimat e Ballkanit am Dienstag, 31. März 2020

Ja si e shpreh artisti Bekim Ibrahimi prekjen e artit nga Covid-19

Jane kohe te veshtira ne te cilat po kalon çdo fushe e jetes, duke perfshire artin. Artistet kudo neper bote duket se i merr pak nga pak nga shpirti i tyre duke i penguar te merren dhe shfaqin tek publiku artin e tyre. Nje nga artistet tane ne Zvicer, Bekim Ibrahimi ka gjetur nje menyre te veçante per te sjelle ne fokus prekjen e artit nga Covid-19. Ai duke qene kengetar, instrumentist dhe administratori i nje salloni te madh me instrumente muzikore ne Zvicer, dyqan i cili frekuentohet nga emra te medhenj ne fushen e artit, ka publikuar disa foto dhe nje video tek e cila tregohet ripunimi i nje violinceli duke i “thyer” pjesen fundore e duke e sjelle perseri ne forme artistike duke nenkuptuar prekjen e artiti, frymes se artistit nga ky virus i padegjuar dhe i pajetuar me pare. Arstisti gjen menyren per te treguar peshen qe mban arti ne situata te tilla e Bekim Ibrahimi e ka gjetur ne nje forme mjaft origjinale. Duke shpresuar se kjo gjendje do kaloje shpejt e artit do t’i ndriçoje dielli i krijimtarise perseri, urojme edhe artistin per veçantine dhe origjinalitetin e tij!

https://m.facebook.com/story.php?story_fbid=668447240624741&id=100023784143020&fs=0&focus_composer=0