Kryetari i Bashkimit Demokratik për Inegrim z.Ali Ahmeti i shoqëruar nga nënkryetari Izet Mexhiti dhe sekretari organizativ Artan Grubi, takuan delegacionin nga NDI i kryesuar nga presidenti z. Derek Mitchell.
Në takim u vlerësua pozitivisht bashkëpunimi dhe përkrahja të cilën e jep Instituti Nacional Demokratik dhe u theksua se Maqedonia e Veriut duke zbatuar reformat kyçe për demokracinë dhe transparencën e institucioneve, shënon progres dhe është shembull në rajon.

Kryetari Ahmeti u falënderua për mbështetjen shumëvjeçare që e jep Instituti Nacional Demokratik, duke theksuar se kjo është ndihmë e madhe për përforcimin e proceseve demokratike në vend dhe është nxitje e madhe se vendi po lëviz në drejtim të duhur, duke siguruar përfitime dhe prosperitet për të gjithë qytetarët.

Përfaqësuesit e NDI-së, shprehën kënaqësi për përparimin dhe bashkëpunimin e institucioneve publike, si dhe projektet të cilat kanë të bëjnë për përmirësimin e punës së Kuvendit dhe afrimin e tij me qytetarët. U theksuan iniciativat dhe bashkëpunimi në drejtim të avancimit të përfshirjes së grave në më tepër aktivitete dhe udhëheqje, hulumtime të opinionit publik dhe të drejta të tjera civile dhe politike.

Leave a comment

Your email address will not be published. Required fields are marked *