Xhaferi: Brenda 6 muajve të gjitha tabelat e institucioneve edhe në shqip

Në pres konferencën e Kryeparlamentarit Talat Xhaferi për shpalljen e Ligjit të gjuhëve në Gazetën zyrtare tha:

”Ligji për përdorim të gjuhëve parashikon dhe sanksionon afat prej gjashtë muajve, që të vihet në zbatim Neni 7 për përdorim të gjuhëve. Unë mendoj se në atë afat do të realizohen të gjitha veprimet e nevojshme për punë dhe për tu realizuar kjo çështje për të cilën ju e parashtruat si pyetje”, deklaroi kryeparlamentari Talat Xhaferi në pyetjen e gazetarit të Alsat-M, se kur do të ndryshojë tabela prapa juve dhe të shkruhet edhe gjuha shqipe.

Vdekjet nga Ebola në Kongo mund të përkeqësohen nëse vazhdon konflikti politik

Shpërthimi vrasës i Ebolës në Kongo do të përkeqësohet nëse vazhdon paqëndrueshmëria politike të thyej besimin e publikut.

Profesor Jeremy Farrar, një ekspert i sëmundjes infektive tha se nuk po bëhet asgjë për të parandaluar sëmundjen si rezultat i konfliktit të vazhdueshëm politik.

Felix Tshisekedi u shpall fitues pas zgjedhjeve presidenciale më 30 dhjetor, që u zhvilluar dy vjet pas kohës së rregullt.

Por akuzat se rezultatet e transferimit të parë janë të pakontestuar po kërcënojnë nxitjen e dhunës më të madhe.

Bekteshi filloi zbatimin e shqipes

Ministri i Ekonomisë, Kreshnik Bekteshi, sot prezantimin e Programit për Konkurrencë ,Inovacion dhe Sipërmarrësi para gazetarëve e filloi në gjuhën shqipe.

Por kjo nuk mbeti pa u vërejtur nga gazetarët e pranishëm të palës tjetër duke provokuar ministrin se Cila është gjuha zyrtare në Republikën e Maqedonisë?

Ministri Bekteshi duke rikujtuar se nga sot edhe gjuha shqipe është zyrtare u shpreh se gjuhët zyrtare të sotme në Republikën e Maqedonisë janë gjuha maqedonase dhe shqipe, duke pasur parasysh se mbi 20% e banorëve flasin gjuhën shqipe dhe se ligji tashmë është shpallur edhe në Gazetën Zyrtare.

Bekteshi tha se nuk është hera e pare që nis konferencë për shtyp në gjuhën shqipe. “Kjo për mua nuk do të thotë asgjë. Duhet ta kuptojmë njëri-tjetrin, duke pasur parasysh se edhe para se të shpallet Ligji I gjuhëve në Gazetën zyrtare unë qytetarëve u jam drejtuar në dy gjuhë, kështu unë do të vazhdoj edhe në të ardhmen, “ka shtuar Bekteshi.

Takim Lleshi-Spasovksi për bashkëpunimin ndërkufitar dhe policor

Me ftesë të ministrit Sandër Lleshaj, në Pogradec u mbajt një takim i përbashkët mes dy ministrave të Brendshëm, të Maqedonisë dhe Shqipërisë dhe delegacioneve që i shoqëronin, me qëllim thellimin dhe përmirësimin e mëtejshëm të bashkëpunimit ndërkufitar dhe policor. Ministri Lleshaj përgëzoi homologun e tij, Oliver Spasovksi për rezultatet në parlamentin e Maqedonisë përsa i përket aprovimit të Marrëveshjes PRESPA, e cila shtron udhën e integrimit të Maqedonisë drejt NATO-s dhe Bashkimit Europian.

Gjatë takimit, diskutimet u përqendruan në qëllimin e përbashkët për ngritjen e modelit “one stop-shop” në kufirin e përbashkët, një model të cilin Shqipëria e ka aplikuar tashmë me Malin e Zi dhe Kosovën, ndërsa Maqedonia e ka në fuqi me Serbinë. Të dy ministrat nënvizuan rëndësinë e modelit “one- stop-shop” në kufi, për shkak se ky lehtëson së tepërmi lëvizjen e shtetasve dhe mallrave mes dy vendeve. Palët u zotuan të ndërmarrin hapat e nevojshëm për të vendosur këto pika të përbashkëta kufitare në datë 1 prill 2019.

Ministri maqedonas informoi palën shqiptare se autoritetet maqedonase po marrin të gjitha masat e nevojshme për të përmirësuar kushtet dhe infrastrukturën e pikës së përbashkët ndërkufitare të Trebishtit.

Ministri Lleshaj shfrytëzoi mundësinë për t’i prezantuar homologut maqedonas idenë e sigurimit të lëvizjes së lirë të qytetarëve, udhëtarëve dhe mallrave në kufijtë e vendeve, si dhe përmirësimin e shkëmbimit të informacionit në kufijtë me vendet e tjera. Ministri Lleshaj u shpreh se kjo ide do të ndahet edhe me vendet e tjera të Ballkanit Perëndimor, të cilët janë të mirëpritur t’i bashkohen dhe përfitojnë nga nisma.

Z.Spasovski theksoi rëndësinë e bashkëpunimit shumë të mirë dy-palësh në fushën e Policisë, në luftën kundër krimit të organizuar dhe kërcënimeve globale të sigurisë, duke nënvizuar më tej rritjen e bashkëpunimit ë të mëtejshëm midis dy vendeve.

“Sa dashni” me plot ëmbëlsi nga Albana Mesuli

Ajo është një artiste që punon qetë e pa bërë zhurmë, por mbi të gjitha e ëmbël dhe mjaft e dashur për publikun shqiptar. Eshtë kjo këngëtarja Albana Mesuli e cila vetëm pak ditë më parë ka sjellë mes disa prezantimeve në programin festiv një super këngë të re me titull “Sa dashni” që po pritet mjaft mirë. Kënga është punuar me muzikë nga Isa Neziri e teksti nga Enes Seferi dhe Inçizuar në studion “Elize” te Meti Neziri. Kënga është në youtube dhe ia vlen ta dëgjoni.

https://youtu.be/ZXiylFGfpYs

U bllokuan në frigorifer, vdesin tre fëmijë

Fëmijët ishin të moshës një, katër dhe gjashtëvjeçare. Tre fëmijë kanë vdekur në Florida të Shteteve të Bashkuara të Amerikës pasi ishin bllokuar në një frigorifer të ngrirjes së thellë. Fëmijët ishin të moshës një, katër dhe gjashtëvjeçare.

Ata kanë qenë duke luajtur para shtëpisë para se të hynin në frigorifer. Dy gra që jetonin në atë zonë i kanë gjetur më vonë fëmijët por nuk kanë pasur mundësi t’i shpëtojnë. Policia thotë se nuk ka të dyshuar për këtë ngjarje por rasti do të dërgohet në prokurori për shqyrtim.

Përmes një deklarate, shefi i policisë rajonale ka thënë se dyshohet që frigoriferi është mbyllur aksidentalisht dhe fëmijët e kanë pasur të pamundur të dalin. “Nuk mund ta përshkruaj me fjalë se si ndihem. Rastet e tilla kur fëmijët vdesin nga diçka e kësaj natyre të prekin në zemër” tha zyrtari policor, shkruan “BBC”, transmeton Express.

Modestia dhe motivacioni është cilësia primare e Prof.dr.Qani ef.Nesimi

Myftiu i cili na bën krenarë me nivelin e tij akademik dhe atë misionar si Hoxhë ku kryelartësinë dhe lodhjen jo që nuk i gjen por s’të shkon mendja t’i mendosh kur bisedon me të. Modestia dhe motivacioni është cilësia primare e Prof.dr.Qani ef.Nesimi.
Në intervisten e bërë te emisioni Karriera ne TV Koha thotë “…çdo moment i jetës është një sfidë e madhe dhe kjo është goxha një sfidë dhe kur më kanë pyetur kolegët në Universiteti(profesorët e UT) se pse vendos të kalosh në Myftini (të Tetovës) ku çdo kush dëshiron të kalon në universitet (të jetë profesor) ndërsa ju dëshironi të kaloni nga Universiteti në Myftini?(myftiu ju përgjigj ) Unë e kam elaburuar se në çdo vend ne i shërbejmë shoqërisë dhe Universiteti i shërben shoqërisë në një segment tjetër ndoshta me një gjeneratë më të kufizuar, ndërsa këtu (në myftini) ne i shërbejmë shoqërisë në të gjitha dimensionet për arsye se feja hyn në çdo shtëpi dhe në çdo ide që dëshirojnë njerëzit të veprojnë e feja është aty prezente prandaj nuk e kam menduar se zbres e kam menduar se lëvizi një lëvizje paralele për t’i shërbyer kësaj shoqërie dhe vërtet është një sfidë e fortë dhe të qenurit sfidë kjo detyrë nuk pushon,çdo ditë është sfidë në vete, është e vërtetë që kur jemi futur kemi pasur plane projekte tona, disa prej projekteve janë të realizuara, disa janë në realizim, disa të tjera të cilat janë me afat më të gjatë janë projekte të cilat tentojmë të realizohen për arsye se nuk janë projekte që bëhen me afat kohor sikur që është “vetëdijësimi i njerëzve me një vetëdije më të lartë fetare dhe religjioze”.

Myftiu i cili na bën krenarë me nivelin e tij akademik dhe atë misionar si Hoxhë ku kryelartësinë dhe lodhjen jo që nuk…

Gepostet von Besir Limani am Dienstag, 15. Januar 2019

Kreu i Besës Bilall Kasami për vizitë zyrtare në Shqipëri

Kreu i Lëvizjes Besa, Bilall Kasami nesër do të realizojë vizitë zyrtare në Shqipëri. Burime brenda Besës theksojnë se Kasami do takohet me kryeministrin Edi Rama dhe kreun e Opozitës Lulzim Basha.

Takimet vijnë menjëherë pas ndryshmeve kushtetuese ku Lëvizja Besa arriti të mbrojë identitetin shqiptar dhe të mbajë gjallë çështjen shqiptare.

Micotakis: Marrëveshja e Prespës paraqet lëshim të madh kombëtar

Kryetari i partisë më të madhe opozitare greke, Demokracia e Re, Kirjakos Micotakis në debatin e sotëm në Parlament për votim të besimit të Qeverisë, e përsëriti qëndrimin e tij se dhënia e votës për besim do të thotë “po” për Marrëveshjen e Prespës, “që paraqet lëshim të madh kombëtar”, lajmëroi korrespondentja e M.I.A-s nga Athina.

“Titulli formal i seancës së sotme është dhënia e besimit të Qeverisë, por në realitet, bëhet fjalë për aktin e fundit nga performanca e katër viteve të fundit në ngarkesë të popullit grek. Teatër i mjerë i vendosur nga Aleksis Cipras dhe Panos Kamenos me tre qëllime: së pari SYRIZA të fitojë edhe disa muaj pushtet, e dyta, të ratifikohet Marrëveshja e Prespës dhe e treta të mbahet si grup deputetësh formacioni Grekë të Pavarur, që të mund lideri t’i mbajë privilegjet e tij”, tha Micotakis.

Lideri i Demokracisë së Re, i’u përgjigj Ciprasit në lidhje me pohimin e kryeministrit grek se ka ekzistuar linjë kombëtare në bisedat për emrin.

“Ju zotëri Cipras, shkupjanëve u lëshuat identitet dhe gjuhë maqedonase. Me të vërtetë, kur ishte kjo pjesë e linjës kombëtare? Pse disa thanë “jo” kur ishin kërkuar këto punë, ndërsa ju thatë “po”? Dhe e ndryshoni tani historinë dhe rrjedhën e kësaj partie?”, Micotakis i’u përgjigj Ciprasit.

Paralelisht dërgoi akuza edhe deri te ish partneri i koalicionit në Qeveri, Panos Kamenos, për të cilin tha se së bashku me Ciprasin janë bashkëpunëtorë dhe do të duhet të arsyetohen para popullit grek, por edhe para historisë.

“Zotëri Kamenosin, të cilin nuk e shoh tani në sallë, ndoshta shkoi të kungohet. Zotëri Kamenos i cili tani me zë dhe në mënyrë intensive e mbron emrin e Maqedonisë, harroi se kur mundte ta shtyjë Qeverinë pas iniciativën që muajin e kaluar e dorëzuam për votim të mosbesimit, gjithsesi atëherë e përkrahën. Edhe sot së bashku e nënshkruan votimin e Marrëveshjes së Prespës, sepse në tërësi i ka pranuar deputetët e tij, duke u dhënë zë për besim që aq shumë e kërkuat”, tha kryetari i Demokracisë së Re.

Micotakis i porositi Ciprasit se nëse merr 150 ose më pak vota, atëherë Qeveria do të mbetet pa shumicë dhe do të duhet vendin ta çojë në zgjedhje.

Bekteshi: Rritje e vazhdueshme e buxhetit për Konkurrentshmeri dhe Sipërmarrësi, këtë vit më shumë se 53 milionë për NVM-të

Ministri i Ekonomisë Kreshnik Bekteshi sot ka promovuar masat nga Programi për
konkurrencë, inovacion dhe sipërmarrësi 2019, e cila vit pas viti rrit interesin në mesin e komunitetit të biznesit, duke marrë parasysh shkallën maksimale të realizimit të fondeve nga ky program. Këtë vit kemi rritur edhe fondet për këtë qëllim në këtë program, ku kemi shtuar edhe masa të reja me kërkesë të komunitetit të biznesit, sipas nevojës së tyre për të rritur konkurrencën e tyre, por dhe konkurrencën e ekonomisë në vend.

“Dëshiroj të theksoj se ky program në vazhdimësi po shënon rritje në buxhet, konform
popullaritetit të masave brenda tij dhe interesit të ndërmarrjeve të vogla dhe të mesme për shfrytëzimin e mjeteve financiare nga këto masa. Tju rikujtoj se në gjysmën e dytë të vitit 2017, me ribalancin e buxhetit, këto mjete i kemi rritur për 180 %, gjegjësisht, 9 milionë denarët e atëhershme i kemi plotësuar me 16 milionë të reja, dhe kështu sipërmarrësit kishin në dispozicion një shumë solide prej 25 milionë denarësh, me të cilën kemi ndihmuar më shumë se 150 subjekte biznesi që sadopak t’i përmirësonin performanset e veta të biznesit. Në vitin 2018, këtë mbështetje e kemi rritur përsëri, gjegjësisht, subjektet e biznesit kishin në dispozicion 47 milionë denarë, ndërsa këtë vit kanë diku mbi 53 milionë denarë. Ky Program përmban 3 pjesë: edhe atë masa për Ndërmarrjet e vogla dhe të mesme, masa për Politika industriale, masa për Bashkimin e klastereve dhe masa për Përgjegjësi shoqërore” tha Bekteshi në pres konferencë.

Për masat e parapara për Ndërmarrjet e vogla dhe të mesme kemi siguruar 41.280.000 denarë që paraqet rritje prej pothuajse 3 miliond denarë nga viti I kaluar edhe atë për bashkë-financimin e projekteve për mbështetjen e sipërmarrësisë, ndërmarrjeve të vogla dhe të mesme dhe zejtarisë – janë siguruar mjete financiare për projekte të sektorit civil dhe odave, që janë në drejtim të realizimit të të gjitha objektivave të përcaktuara në dy dokumentet strategjike: Strategjia Kombëtare për Ndërmarrjet e Vogla dhe të Mesme 2018-2023, si dhe Strategjia e Sipërmarrësisë së Gruas. Megjithatë, për dallim nga viti i kaluar, këtë vit shuma maksimale për një projekt është rritur në 450.000 denarë për mbështetjen e sipërmarrësisë dhe 300.000 denarë për një projekt për mbështetjen e zejtarisë, me qëllim që të kemi projekte sa më cilësore, të cilat do të kontribojnë për inkurajimin e sipërmarrësisë dhe avancimin e konkurrueshmërisë së ndërmarrjeve të vogla dhe të mesme, dhe për promovimin e zejtarisë.

Me masën Subvencionimi i ndërmarrjeve të vogla dhe të mesme, zejtarëve dhe ndërmarrjeve të udhëhequra nga gra, parashikohet një shtesë nga 300.000 denarë për ndërmarrje të vogël dhe të mesme për furnizimin me pajisje dhe vegla, por nga ky vit, kemi paraparë mjete edhe për furnizimin e ndërrmarjeve me zgjidhje softuerike, si dhe shërbimeve konsulente për lidhje në zinxhirin e furnizuesve dhe për hartimin e projekteve me qëllim që të aplikohet për fondet e BE-së, sepse kjo doli si nevojë e subjekteve të biznesit nga vizitat dhe takimet e shumta që kemi realizuar gjatë vitit të kaluar. Edhe këtë vit do ti mbështesim ndërmarrjet e vogla dhe të mesme në përmirësimin e konkurrueshmërisë me anë të aplikimit të standardeve ISO dhe
HALLALL (3 milionë denarë), por këtë vit gjithashtu do t’i mbështesim prezantimet e tyre në panaire, me bashkë-financimin e shpenzimeve për marrjen me qira të stendave në panairet e brendshme, rajonale dhe ndërkombëtare.

Në drejtim të sigurimit të stafit profesionist për nevojat e sektorit të biznesit, këtë vit do të mbështesim pajisjen e ndërmarrjeve të akredituara për trajnim dhe aftësim me 50% të shpenzimeve, por jo më shumë se 400.000 denarë për furnizimin me pajisje dhe vegla që do të shërbejnë eksluzivisht për trajnim; në të njëjtën kohë do të financojmë edhe trajnime të certifikuara për nevojat e sektorit të biznesit në shumë prej 50% të shpenzimeve, apo 60.000 për aplikues. Në Pjesën e Politikës industriale, kemi siguruar mjete financiare në shumë të përgjithshme prej 3.700.000 denarë përmes disa masave, siç janë mbështetja e rritjes së konkurrueshmërisë së subjekteve afariste të industrisë përpunuese në shumë të përgjithshme prej 2.500.000 denarë,bashkë-financimi për organizimin e trajnimeve të specializuara – trajnime teknologjike të hollësishme dhe të detajuara për industrinë përpunuese, në shumë të përgjithshme prej 1.200.000 denarë,por kemi paraparë edhe Bashkë-financim për organizimin e trajnimeve
profesionale të specializuara në industrinë e përpunimit të lëkurës dhe në industrinë e
prodhimit të këpucëve; për organizimin e trajnimeve për inkuadrimin e konceptit të
“gjelbërimit – greening of manufacturing industries“ në disa sektorë të përzgjedhur në kuadrin e industrisë përpunuese; dhe Bashkë-financim i organizimit të trajnimeve, me inkuadrimin e konceptit të ekonomisë qarkulluese në industrinë përpunuese.
Në Pjesën e Mbështetjes dhe zhvillim të klastereve ,mjetet janë rritur nga 5 në 7 milionë denarë, ndërsa miratimi i mjeteve financiare do të bëhet nëpërmjet disa aktiviteteve dhe projekteve të shoqatave të klasterit, me dinamikën e njëjtë si dhe në vitin 2018, në vazhdimësi,derisa në pjesën qëka të bëjë me Përgjegjësitë shoqërore – për HERË TË PARË do të aplikohet mbështetja për zhvillimin, mirëmbajtjen dhe aplikimin e praktikave shoqërore të pranueshme të subjekteve afariste, me vlerë të përgjithshme prej 1.200.000 denarë. Në këtë pjesë janë krijuar masa për aplikimin dhe certifikimin e një sistemi për përgjegjësi shoqërore të ndërmarrjes, konform standardit SA 8000, i cili siguron menaxhimin etik përgjatë prodhimit të mallrave dhe shërbimeve, dhe kërkon garantimin e të drejtave themelore të punëtorëve, në një shumë të përgjithshme nga 831.000 denarë,si dhe aplikimin dhe certifikimin e një sistemi për marrëdhënie të përgjegjshme në treg, konform markës së certifikimit të Ndershëm me konsumatorin, i cili siguron një sistem për menaxhimin elektronik të ankesave të konsumatorëve dhe blerësve dhe zgjidhje me marrëveshje të problemeve dhe kontesteve, në shumë të përgjithshme nga 369.000 denarësh.

“Me të gjitha këto risi në programet tona, nga lloji i masave që paraqesin një nevojë reale të sektorit të biznesit, si dhe me buxhetin e rritur në pjesët individuale të programit në përgjithësi, besoj se do ta mbështesim rritjen e konkurrueshmërisë së ndërmarrjeve tona të vogla dhe të mesme, dhe me këtë rritjen e punësimeve dhe përmirësimin e konkurrueshmërisë së ekonomisë së brendshme në përgjithësi.Kështu do të realizojmë dhe pritjet tona të përbashkëta –që 2019 të jetë vit ekonomik,me përfitime që do ti ndjejnë të gjithë qytetarët” shtoi Bekteshi.