Ish-piloti: Modeli i avionit me të cilin udhëtonte Sala, i njohur për aksidente të shumta

Emiliano Sala i cili udhëtoi nga Franca në Angli me një avion privat është rrëzuar në plot 160 herë të tjera. Avioni u zhduk teksa humbi kontaktin me qendrën në Casquets. Eksperti i fluturimeve dhe ish-piloti, Alastair Rosenschien, ka deklaruar se Sala nuk duhej të kishte udhëtuar me ato avion , pasi që Piper Malibu e ka një rekord të tmerrshëm të tmerrshëm të aksidenteve. Ky lloj i aeroplanit është rrëzuar plot 160 herë, 55 herë rastet përfunduan me fatalitet. “Është me të vërtet e rrezikshme të udhëtosh me një avion të tillë që e ka vetëm një motor, veçanërisht natën dhe gjatë dimrit. Kur unë bëra disa kërkime, ky lloj është rrëzuar plot 160 herë, 55 prej tyre ishin fatale”, deklaroi Rosenschien. Disa mediat angleze raportuan se avioni kishte pasur probleme para se të fluturonte dhe kishte provuar katër apo pesë deri sa më në fund ishte nisur. Ndërkohë skkuadra e Cardiff City e kishte zyrtarizuar transferimin e Salas nga Nantes es për 17 milionë euro të shtunën dhe Sala ishte kthyer në Francë për t’u thënë lamtumirë ish-bashkëlojtarëve të tij para se ta fillonte pjesën e mbetur të sezonit me klubin e ri të Premier League.

BeautyLil: Pse hoqa dorë nga muzika, ja puna që bëj tash

Ishte një nga emrat më të njohur të skenës shqiptare që kultivonte muzikë rap dhe R&B. Vlora (e njohur si Lil Vlora apo BeautyLil), bëri disa bashkëpunime me këngëtarë të ndryshëm por që ka hequr dorë nga muzika dhe po bën krejtësisht një tjetër punë, në duart e saj tashmë kalojnë shumë personazhe të njohur pasiqë bën punën e estetistes. Këto ajo na i tregon në një bisedë për Infrared të gazetës Koha.

Ke qenë gjatë kohë në muzikë si një emër shumë i suksesshëm, pse vendose ta lësh atë?

Sepse zgjodha një rrugë më të mirë besoj.

Tash je krejtësisht në një tjetër fushë, në një tjetër biznes, si ndihesh?

Shumë më mirë, është një punë që e bëj me passion.

Puna jote lidhet edhe me personazhe të njohur krahas atyre jo të njohur, cili është dallimi i tekave të tyre?

Ato që nuk janë të njohur janë më të sjellshëm me gjithë se me krejt sillem njejtë unë.

Si vendose të rezikosh dhe të investosh në këtë biznes?

Pasiqë kam kryer shkollim për mjekësi e lidha me këtë biznes.

Kush ju shtyri më saktësisht?

Vet ideja ime ka qenë që të sprovoj veten.

Ke vendosur që përveç Zvicrës të njejtën gjë të zhvillosh edhe në Kosovë dhe Maqedoni?

Në Kosovë tashmë ka nisur puna në Glamcorner ndërkohë që jam në përgaditje e sipër edhe në Shqipëri.

Do ishe rikthyer përsëri në muzikë?

Joo, kurrë.

Cilët janë personazhet e njohur që vizitojnë sallonin tënd?

Janë shumë, nuk dua të përmend emra.

Kushtrim Ahmeti: Muzika është pjesë e jetës time

Viteve të fundit është një nga emrat më të kërkuar nëpër mbrëmje muzikore dhe ahengje familjare, Kushtrim Ahmeti dhe bendi i tij Allegro Band po fillojnë këtë vit me shumë projekte e këto i zbulon vet vokalisti përmes një interviste për Infrared të gazetës Koha.

Po performon gjithmonë live, po si e ndien këtë obligim apo privilegj?

Kuptohet është privilegj dhe obligim që një këngëtarë i kompletuar të këndojë live para publikut për arsye se kanë ardhur ato të dëgjojnë këngët tua.

Cilat janë të rejat që je duke bërë gati për këtë vit si befasi për fansat?

Jemi duke punuar për projekte të reja e që për momentin do jetë befasi megjithatë për këtë vit do ketë plot projekte.

Këndoni edhe nëpër dasma e ahengje familjare?

E vërtetë që këndoj edhe në ahengje familjare dhe mbrëmje të ndryshme nëpër lokale ku preferohet muzika live po kuptohet se dallon pasiqë nuk është e njejtë në dasma e shoh veten më mirë edhe pse përgjegjësia është më e madhe pasiqë ajo bëhet një herë në jetë.

Po ku e shihni veten më mirë?

Muzika është pjesë e jetës time përndryshe për të gjithë ata që nuk e dinë unë kam studiuar kanto e si një këngëtarë profesionist mendoj se gjithmonë do kem mbështetjen e publikut, kuptohet duke ju dhuruar muzikë të mirë e kualitative dhe të mirëfilltë shqipe.

A këndon edhe tallava?

Jo nuk këndoj tallava edhe pse nuk kam asgjë kundër për këtë lloj muzike por nuk është në traditat tona shqiptare.

Repertoari që e kultivon më së shumti?

Repertoari im të cilin e luajmë bashkë me bendin tim Allegro Band është muzika e lehtë qytetare pra 100% e mirëfilltë.

Si nis një ditë e jotja dhe si mbaron një 24 orësh?

Varet si jam me angazhimet muzikore pasiqë kryesisht është si e secilit njeri normal.

Po sa vite i ke bë në skenë dhe sa projekte numëron?

Në skenë i kemi bë tetë vite bashkë me bendin tim, numërojmë tre projekte e shumë angazhime muzikore si dhe shumë mbrëmje të ndryshme me performancat tona live.

Po Kushtrimi jashtë skenës, për ata që nuk kanë dëgjuar për ju?

Do e përshkruaj veten me tre fjalë dhe pse mendoj se të tjerët është më mirë të flasin për mua, shumë i thjeshtë, social, me shoqëri mundohem të jem i drejtë po tash se di si më shohin të tjerët.

Martina Ivezaj: Të bëhesh nënë të ndryshon krejtësisht të menduarit për projektet e reja

Ka pak muaj që i ka dhënë fund beqarisë duke u martuar me dashurinë e saj të jetës të cilin e ritakoi pas shumë vitesh. Vajza e cila për disa vite shkëlqeu në pasarelat e modës gjermane e që përfaqësoi atë edhe në ‘Miss Bota’ vjen me një lajm të ri, do bëhet nënë. Martina Ivezaj me prejardhje është nga Mali i Zi, por martesa me Leonin e bëri atë të shpërngulet drejt SHBA-ve. Në një bisedë për Infrared të gazetës Koha, ajo tregon emocionet e para.

Na e përshkruaj pak momentin se si je ndier ti dhe bashkëshorti po edhe gjithë familja kur keni mësuar lajmin?

Jemi gëzuar që në sekondat e para, bashkëshortit dhe mua më është dukur si ëndërr kur mendojshim ‘ua po bëhemi babë dhe nënë’, është një ndjenjë e mrekullueshme kur e din se je duke krijuar një jetë të re dhe do bëhesh prind, e gjithë familja është gëzuar kur ka marrë lajmin.

Leoni është ashtu tipik shqiptarë qe fëmijën e parë e do djal?

Jo aspak, fillimisht është mirë të jetë shëndosh e mirë, pak rëndësi ka a djal apo vajzë.

Keni nisur të bëni pregaditjet e para për ardhjen e fëmijës?

Kemi nisur kadal dale të bëjm gati pregaditjet, të rregullojmë dhomën e bebit, rrobat etj.

Keni marrë mesazhe të shumta urimi nga miqtë?

Kemi marrë shumë mesazhe, jemi gëzuar shumë gjithë miqtë na kanë uruar dhe ne i falenderojmë shumë nga zemra.

Po ti si një e re që për herë të parë do bëhesh nënë, si ndihesh?

Më mungojnë fjalët të përgjigjem këtu sepse është shumë e vështirë të përshkruaj këtë ndonjë gëzimi. Ndihem plot dashuri si asnjëherë më parë.

Mendon se shtatzania do ju ndalojë në projektet tua që ke nisur?

Të bëhesh nënë të ndryshon të menduarit, në rastim tim kështu mendoj që unë nuk kam në plan ndonjë projekt tashmë por jam koncentruar krejtësisht në shtatzaninë time, projektet mund të fillohen gjithmonë por shtatzania është një gjë unike që dua të shijoj krejtësisht.

A do sfiloje nëpër pasarela si një modele shtatzënë?

Jo.

Wirusi: Jam shumë kërkues nga natyra, e më së shumti nga vetja

Kur përmendet emri i tij suksesi nuk diskutohet. Ka punuar me shumë këngëtarë dhe vazhdon të punojë me një intensitet të jashtëzakonshëm por edhe nga studio e tij kanë dalë shumë yje. Nexhat Mujovi – Wirusi, ndonëse shumë pak prononcohet për media në lidhje me punën e tij, megjithatë për Infrared të gazetës Koha tregon hapat e parë në muzikë, si ka nisur dhe si po rrjedh puna e tij në industrinë muzikore.

Ju jeni një artist dhe një kompozitor shumë i njohur në trojet shqiptare, si lindi pasioni juaj për muzikën?

Si fëmijë shumë i vogēl, dashuria ime e parë ishte ndaj LP-ve (pllakat e gramofonit) që i konsideroj si lodrat e mia të para fëmijërore. Tërë kohën merresha me dëgjim të muzikës që servohej asokohe. Që atëherë muzika ishte kënaqësia më e madhe për mua edhe pse nuk do t’i anashkaloja edhe instrumentet muzikore që mundohesha t’i ndērtoja vet, me atë imagjinatë që kisha. Me ardhjen e parë të fis harmonikës nē duart e mia (që ma solli babai nga Gjermania) unë ndjeva dashuri të madhe pēr muzikën ku edhe sot e kësaj dite po vazhdon edhe pse tash e kam profesion e jo vetëm pasion.

Në familjen tuaj, ndonjë pjesëtar tjetër i familjes kishte raporte me muzikën?

Ne si familje e donim dhe e duam muzikën por nuk kishte asnjë pērveç meje që merrej me muzikë, edhe pse nē rrethin ku jetoja ishte një dhëndër që punonte nē arsim dhe në atë kohë ishte me patjetër ta njohish një instrument dhe ai shpesh lozte me mandolinë, e mua ma zgjonte kureshtjen për atë instrument e unë mundohesha ta mësoj duke e shikuar lëvizjen e gishtave të tij, gjatë interpretimit.

Ndërsa tash në familje meret dikush me muzikë, planifikon ndonjë nga fëmijët t’u të bëhen këngëtarë?

Unë jam prind i dy fëmijëve i Edit dhe Ardit. Të dytë merren me muzikë dhe janë nxënēs nē shkollën e muzikēs, me shpresë se do ta trashëgojnë dashurinë time ndaj muzikës, si pasion dhe profesion.

Ç’do të thotë për një baba muzikant, të dallojë që fëmija e tij që në vogëli, ndan ashtu si ai vetë, prirje të ngjashme për muzikën?

Vlerësimet prindërore nuk janë reale. Prindi çdo herë flet ndryshe para tjerëve dhe ndryshe e ndjen çdo lēvizje të fëmijëve, edhe pse falë zotit kanë vesh për muzikë dhe besoj se do t’ia kalojnë prindërve me sukses më të madh , duke u bazuar në kushtet ideale që i kanë, në krahasim me kohën tonë. Por sot, në këtë botë virtuale, fëmijët më pak merren me detyra që u përcaktohen, e mē shumë me internet, por duhet ta dinë se pa ushtrime, instrumenti mbetet vetëm dëshirë. Deri te caku arrihet me punë dhe vetëm punë.

Ndërmjet ushtrimit të një instrumenti dhe kompozimit, cili është ndryshimi emocional midis tyre?

Te unë, kompozimi e përshkruan gjendjen shpirtërore momentale apo të asaj kohe kur kam kompozuar. Por asgjë nuk do mund të kompozoja, pa mijëra orë ushtrime në pianon time. Kështu, është më se natyrale që këto dy të jenë të lidhura emocionalisht. Saktësi, seriozitet dhe frymëzim.

Në ç’pozicion do t’i vendosnit këto koncepte në lidhje me muzikën tuaj dhe me mënyrën tuaj të të punuarit?

Të trijat janë pjesë të pa ndashme të punēs time, por pjesa kryesore është dashuria. Pa dashuri nuk ka jetë, ajo eshtë frymëzimi kryesorë në krijimet e mia. Kështu, unë e paraqes emocionin tim nëpërmjet notave muzikore.

Në kohën e sotme, cilat janë gjendja dhe niveli i formimit muzikor? Në çfarë mase, sistemi shkollor shqiptar nxit të mësuarit e muzikës?

Nuk do të doja nē këtë intervistë tē merem me kritika. Thjeshtë, janë kohëra të ndryshme dhe çdo vlerësim do të ishte relativ. Mundohem t’i akceptoj ashtu siç janë.

Sa mundësi punësimi ka sot tek ne për të rinjtë e sapodiplomuar, veçanërisht në fushën artistike e muzikore?

Gjërat kanë evoluar dhe mundësia është shumë më e madhe për çdo profesion, vetëm nëse je korrekt ndaj asaj që e quajmë “diplomë”.

Trashëgimia muzikore shqiptare dhe zhvillimi i shoqërisë shqiptare. Cili është ritmi me të cilin ecin paralelisht këto dy fenomene?

Zhvillimi i shoqërisë, më së miri matet me zhvillimin kulturorë, bashkë me të edhe muzikën. Tek ne, bazuar në trashëgiminē kolosale muzikore që kemi, gjithmonë mund të bëhet më shumë. Mjafton që në top listat botërore i kemi gjithmonë minimum tre emra shqiptarë.

Cili është kompozitori apo artisti – shqiptar ose i huaj – që adhuroni në mënyrë të veçantë?

Janë shumë që më frymēzojnë dhe ma trazojnë emocionin muzikorë. Sa pēr informatë, si fëmijë jam rritur me muzikë të mirë si psh: Deep purple, Whitesnake, Pink floyd, Toto e deri tek Chick corea e Mozarti.

Kur perceptoni që muzika nuk është e ndjekur për pasion, por për qëllime të tjera, cili është reagimi juaj dhe ç’këshillë do t’u jepnit të rinjve të sotëm, atyre që kanë ndërmend të nisin rrugën e artit, atë të muzikës në veçanti?

Nuk mund të ndodhë asnjë punë nëse nuk dhuron dashuri. Unë personalisht e dua muzikën edhe pse jetoj nga muzika, por nuk do të thotë se e krijoj për shkaqe materiale.

Përvec muzikës, cilave pasione të tjerë u jepni prioritet në jetën tuaj?

Familja, shoqëria janë pasioni im. Unë pa njerëz nuk marr dot frymë. I dua njerëzit…mënyrat e tyre si flasin, si mendojnë, si veprojnë…ata thjeshtë janë inspirimi im. Nē momente të caktuara më inspiron gjendja sociale ku ndjej shpesh atë Rockun brenda personit, që i mllefosur bashkëbisedon me mua… ose ajo dashuri e fëmijës kur të puth dhe thotë: “babi ti je më i miri në botë”.. është emocion që kërkon njē shpërthim dhe unë mundohem ta shpreh në muzikë…ose ndjenja e nostalgjisë që shpesh herë e manifestoj nëpërmjet baladave që i krijoj, ku e ndjej çdo tingull dhe çdo herë them: “Më fal” o jetë.

Cilat janë projektet e juaja të ardhshme profesionale?

Janë pafund…Jam shumë kërkues nga natyra, e më së shumti nga vetja. Mundohem t’i përmisoj gabimet dhe kësoj rradhe do mundohem ta planifikoj njē turne në gjithë shqiptarinë me Elita 5, me shpresë se do ta arrijë.

A ka ndodhur ndonjëherë që të bësh gati komplet projektin muzikorë dhe këngëtarë të ju refuzojë?

Këtë e marr si pjesë të punës. Ndodhin gjëra të tilla dhe është shumë normale se shijet janë relative. Por sigurisht se kemi gjetur mirëkuptim për herë të dytë.

Romina Aliaj: Shumë pak herë bëj kompromise në jetë!

Nëse kujtojmë këngën “Tundi hajmalitë” e lidhim me imazhin e këngëtares Romina Aliaj, e cila “tundi” muzikën e jugut kur publikoi këtë këngë. NË atë kohë siç tregon edhe vetë ishte vetëm 17 vjeçe dhe ende nuk e dinte se ajo këngë i kishte sjellë suksesin. “Gjëmon kënga” është prurja e saj më e re pas një shkëputje nga ekranet muzikore e cila si duket ka qenë një gjë e mirëmenduar nga këngëtarja për ta sjellë në periudhë festash dhe për të marrë vëmendjen e duhur.

Në treg njihesh me hitin “Tundi hajmalitë” Si e kujton atë kohë dhe përse u shkëpute kaq gjatë nga karriera në Shqipëri?

Kohën kur kam nxjerrë këngën “Tundi hajmalitë” kam qenë 17 vjeçe, shumë e vogël për t’a kuptuar se çfarë do të thotë sukses. Mbaj mend që më ndalonin në rrugë dhe më kërkonin autografe. Ishte ndjesi shumë e bukur. Por mosha shumë e vogël që kisha më penalizoi sepse menaxhimi duhej shumë i fortë për të ecur dhe unë në atë kohë mendova se është më mirë të punoja në Europë me tepër Gjermani Zvicër Norvegji Austri e shumë vende të tjera. Tashmë rikthehem me një eksperiencë dhe pjekuri shumë më të madhe në skenë!

Çfarë të bëri më tepër përshtypje gjatë kësaj kohe festive sa i përket botës së muzikës?

Gjatë festave m’u dha rasti të jem për vizitë në Amerikë dhe më bëri përshtypje malli që kanë shqiptarët për atdheun, për traditat që i ruajnë me fanatizëm dhe sidomos për muzikën popullore shqiptare nga të gjitha trevat. Kjo gjë më jep një ndjesi dhe emocion të papërshkrueshëm!

Iu përgjigje mesazheve “një për të gjithë”?

Më erdhën shumë mesazhe copy paste (qesh), ndërsa urimet e mia i përcolla ekskluzivisht me këngën time të re “Gjëmon kënga”!

Pra, mendove ti bësh edhe publikut një dhuratë për festa dhe e quajte, “Gjëmon kënga”, si lindi kjo këngë dhe klip? U prit mirë nga publiku?

Në fakt teksti i “Gjëmon kënga” kishte 10 vjet që babai im e kishte shkruar dhe ishte në sirtar. Kështu që teksti ishte gati, melodinë e këngës e bëra vetë. Për këngën e dytë të kolazhit “Dy thëllëza” vendosa t’a risjell përsëri sepse është këngë e vjetër popullore. Orkestrimi është i kompozitorit të mirënjohur dhe shumë të talentuar Edi Balili, të cilit i jam shumë mirënjohëse për punën që ka bërë, ndërsa videoklipi është bashkëpunim me Max Production, Bledi është fantastik për idetë brilante që ka dhe e falënderoj për realizimin aq të bukur të kolazhit tim. Falënderoj gjithashtu “Sageri makeup” një vajze jashtëzakonisht të talentuar dhe Beautycenter Linda për fustanet aq të bukura! Mendoj që rikthimi im pas shumë vitesh në treg është mirepritur dhe kanë filluar ftesat për koncerte !

Po për Shën Valentin ke menduar të bësh ndonjë dhuratë dashurie përsëri ndaj publikut që të mbështet gjithmonë?

Po, patjetër për Shën Valentin kam gati projektin e dytë; vendosa përsëri për një kolazh jugu.

Si e mbylle 2018 dhe çfarë pret nga 2019?

2018 e mbylla fatmirësisht shumë mire plot me projekte te reja dhe 2019 rikthehem në treg më fuqishëm se kurrë!

Cili është personazhi me të cilin ruan një kod të mirë komunikimi?

Mami im, faleminderit Zot që e kam!

Thua më shpesh “Po” apo “Jo”?

Varet nga situata por nëse them “po” ashtu ngelet po nëse them “jo” nuk ka kthim pas. Shumë pak here bëj kompromise në jetë! Labe hesapi.

Je fanatike për gjërat e tua?

Jam shumë fanatike e gjërave të mia dhe mendimeve të mia.

Cila është gënjeshtra më e bukur që të kanë thënë?

Ua po kush qenka ai që gënjen bukur se akoma s’kam zbuluar ndonjë unë?!

Cila është e vërteta më e pastër që ekziston për ty?

Që ka një Zot lart që na mbron, na udhëzon dhe na bekon. E vërteta e pastër është : Bëj mirë se nëse s’ta vlerësojnë njerëzit e vlerëson Ai lart !

A ka një dashuri në jetën e Rominës?

Po, po familja, fisi!(Qesh)

Sa e bekuar ndihesh ti që je e rrethuar me dashuri?

Kur ke dashuri të sinqertë përreth, patjetër që ndihesh e bekuar!

A është ai dashuria jote ideale?

Më fal po kush është ai?

Sekretet:

– Ta nisim nga bukuria, cili është sekreti i bukurisë tënde? Gjenetika

– Sekreti i lumturisë? Dashuria

-Sekreti i suksesit? Përkushtimi për punën

-Cili është sekreti i muzikës që bën? Burimi nga thellësia e zemrës

-Sekreti për të bërë karrierë? Vullneti dhe durimi

-Sekreti yt në dashuri? Sinqeriteti

– Sekreti i të qenit gjithnjë e sinqertë? E përdor aty ku duhet, jo gjithmonë!

– Sekreti për të pasur shumë miq? S’duhen shumë miq, më mirë pak e saktë.

-Sekreti për të mposhtur emocionet kur këndon? Pi një gllënjkë raki.

-Sekreti për të pasur look shokues? Bashkëpunëtorët e duhur,

-Po sekreti për të fituar sa më tepër pikë gjatë një interviste, cili është? Të jesh vetvetja.

Paul Whelan, marinsi amerikan që mbahet në burg nga Rusia

Ish-marinsi amerikan Paul Whelan, i cili akuzohet për spiunazh nga Rusia, duhet të mbetet në paraburgim, ndërsa pret gjyqin. Një gjykatë në Moskë ka vendosur për masën e tij të arrestit

Erjon Dervishi

Zyrtarët rusë të sigurisë thonë se një ish-marins amerikan u kap në veprimtari “spiunazhi” muajin e kaluar. Paul Whelan, 48 vjeç, i cili gjithashtu mban shtetësi britanike, kanadeze dhe irlandeze, u gjet me një kartë memorie që përmbante sekrete shtetërore, tha avokati i tij. Ai nuk e kishte hapur kartën dhe kishte marrë vetëm foto dhe video pushimi, deklaroi avokati. “Paul kishte për qëllim të merrte informacion nga një individ që nuk ishin të klasifikuara. Këto ishin gjëra kulturore, udhëtime, vizita në një katedrale, në një ceremoni ku Paul ishte ftuar”, tha Vladimir Zherebenkov. “Ai nuk mundi të shihte përmbajtjen e akuzës sepse u arrestua”. Paul Whelan këmbëngul se ai është i pafajshëm dhe familja e tij i ka thënë mediave ndërkombëtare, se ai ishte thjesht duke vizituar Rusinë për të marrë pjesë në një martesë. Ai u paraqit në gjyq në Moskë të martën për të apeluar kundër një vendimi për ta mohuar atë me kusht. Whelan është në pritje të gjykimit të akuzave për spiunazh dhe, nëse shpallet fajtor, mund të përballet me 20 vjet burg. Pak detaje të rastit kundër tij janë bërë publike, por avokati i i tha “The Guardian” dhe BBC-së, se zoti Whelan është mirë dhe është i vendosur të provojë pafajësinë e tij. “E pashë atë javën e kaluar … ai ndjehet mirë, ai ka një ndjenjë dinjiteti”, tha avokati para gazetarëve jashtë gjykatës. Një zëdhënëse e ambasadës amerikane në Moskë tha për median ruse se ishte “duke e ndjekur nga afër çështjen” dhe bëri thirrje për një “gjykim të drejtë dhe transparent”.

Çfarë ishte duke bërë Paul Whelan në Rusi?

Paul Whelan arriti në Rusi më 22 dhjetor për të marrë pjesë në një martesë dhe kishte planifikuar të vizitonte qytetin e dytë të Rusisë, Shën Petersburg, përveç Moskës përpara se të fluturonte në shtëpi më 6 janar, tha vëllai i tij për median britanike BBC. Ai u arrestua më 28 dhjetor, në praninë e një grupi mysafirësh të dasmës gjatë një turneu nëpër muzetë e Kremlinit në mëngjes. Ai nuk mundi të paraqitej për dasmën, tha David Whelan. Agjencia e sigurimit shtetëror FSB e Rusisë, ka dhënë disa detaje, duke thënë vetëm se ai ishte ndaluar “gjatë një veprimi spiunazhi”, një formulim që nënkupton se ai ishte kapur në një zonë të kuqe, raporton korrespondenti i BBC. Familja e tij thotë se Paul ka vizituar Rusinë për biznes dhe kënaqësi që nga viti 2006.

Paraqitja në gjykatë Paul Whelan u shfaq në gjykatë në një kafaz xhami, vetëm për tu konsultuar me avokatët e tij, përmes një vrime të vogël. Një njeri i paarmatosur me një uniformë gri qëndronte roje. Kjo ishte hera e parë që ne kishim parë z. Whelan që nga arrestimi i tij dhe ai dukej i qetë; i veshur me elegancë dhe me sa duket i vëmendshëm. Ai nuk iu përgjigj asnjërës nga pyetjet që bënin, por avokati i tij tha se i ishte drejtuar gjykatësit për 15 minuta, gjatë dëgjimit të tij me kusht. Ky sesion u mbyll për të gjithë, përfshirë përfaqësuesit e tre konsullatave që u kthyen, tha korrespondenti i BBC-së. Rasti i spiunazhit është klasifikuar si sekret i lartë. Kjo është arsyeja pse informacioni është duke u shfaqur vetëm në ngjarje të vogla kronike, kryesisht përmes avokatit të Paul Whelan. Vladimir Zherebenkov tha të martën se ai nuk kishte parë ende asgjë që të provojë fajësinë e klientit të tij – asnjë video apo regjistrim audio që të tregonte se ishte në dijeni se çfarë kishte me të vërtetë në kartën e memories. Lirimi me kusht është refuzuar, ish detari amerikan është kthyer në qelinë e tij në burgun famëkeq Lefortovo, ku seancat e tij javore me hetuesit e FSB do të vazhdojnë.

Kush është Paul Whelan?

Paul Whelan ka lindur në Kanada me prindër britanikë, por u zhvendos në SHBA që kur ishte fëmijë. Aktualisht ai është drejtor i sigurisë globale për furnizuesit e komponentëve të automjeteve në Michigan, BorgWarner. Ai është shtetas i katër shteteve – SHBA, Britania e Madhe, Kanadaja dhe Republika e Irlandës. Paul Whelan u bashkua me Forcat Detare në vitin 1994 dhe u ngrit në rangun e rreshterit të personelit në vitin 2004. Ai shërbeu në Irak për disa muaj në vitet 2004 dhe 2006. Ai u dënua nga një gjykatë ushtarake në vitin 2008 me akuza lidhur me vjedhjen dhe u shkarkua për sjellje të keqe. Detajet e akuzave nuk janë bërë publike. Më herët, në vitet 2000, ai filloi punë si menaxher i projektit IT për një kompani të quajtur Kelly Services, por u mobilizua me marinsat brenda dy viteve në fillim të sulmeve në Irak, në 2004 dhe më pas 2006. Ai ishte akoma duke shërbyer si marins kur bëri udhëtimin e tij të parë në Rusi, një vizitë që ai detajoi në faqen e tij të internetit, e cila është mbyllur. Duke ndarë fotografitë e vizitës, ai tha se ishte një “kohë mjaft të kënaqshme” duke eksploruar qytetet e Moskës dhe Shën-Petersburg. Por në vitin 2008, Paul Whelan, i cili kishte arritur gradën e rreshterit të personelit, u shkarkua nga marinsat për sjellje të keqe. Pentagoni, i cili lëshoi ​​të dhënat e tij, tha se akuzat kishin të bënin me vjedhjen. CNN raporton se ai ishte akuzuar për përdorimin e numrit të sigurimeve shoqërore të dikujt tjetër. Sipas dokumenteve të gjykatës, ai ishte përgjegjës për grupin e sigurimit të kampusit të kompanisë Kelly, dhe detyrat e tij përfshinin menaxhimin dhe kryerjen e hetimeve, si dhe trajtimin e disa blerjeve. Ai u largua nga kompania në vitin 2016, duke u bërë drejtor i sigurisë globale për furnizuesit e komponentëve të automjeteve në SHBA, BorgËarner. Në rolin e tij, Paul Whelan është “përgjegjës për mbikëqyrjen e sigurisë” në objektet në Miçigan dhe në mbarë botën, tha kompania në një deklaratë. Firma nuk ka objekte në Rusi.

Jashari: Penda e Drenicës, një projekt dhjetëra miliona euro, i cili do të zgjidh përfundimisht problemin e ujit të pijshëm për 200 mijë banorë

Çdo ditë e më tepër po shtojmë përpjekjet dhe hapat për realizimin e projektit më madhor që Skenderaj ka pas ndonjëherë – Penda e Drenicës, një projekt dhjetëra miliona euro, i cili do të zgjidh përfundimisht problemin e ujit të pijshëm për së paku 200 mijë banorë.

Vizita e mikut tim nga Shtetet e Bashkuara të Amerikës, Daniel Cannon, një njeri i zot në financa ndërkombëtare, dhe bankier i dalluar investiv, është ekskluzivisht rikonfirmim i premtimit të tij për investim në dy projekte tejet të rëndësishme; Penda e Drenicës dhe ndërtimi i një spitali rajonal.

Vizita e tij e sotme në qytetin tonë, që shoqërohej edhe nga ish-sekretari i Brendshëm i Shteteve të Bashkuara të Amerikës, Rayn Zinke – një ish-komandant i njësisë SEAL, i cili ka shërbyer në Administratën e Presidentit Trump (2017), Steven Lindgren – shkencëtar, si dhe nga djali i Danielit, George Cannon – i cili në Kosovë po kryen shkollë për sistemin Kibernetik, është e dyta brenda 3 muajve, dhe tregon qartë seriozitetin për investime në Skenderaj.

Në këtë mënyrë, i kam njoftuar për potencialin dhe mundësitë që ofron komuna jonë sa iu përket investimeve, duke potencuar në radhë të parë sigurinë në investime, si dhe të gjithë mbështetjen time, për të bashkëpunuar në drejtim të realizimit të këtyre projekteve zhvillimore për qytetarët tanë.

Përpara takimeve me zyrtarë të lartë të Qeverisë së Kosovës, i shoqërova në vizitën e tyre edhe në Kompleksin Përkujtimor “Adem Jashari” në Prekaz, si dhe në Kullën e Familjes Jashari, ku u priten nga kryefamiljari, Rifat Jashari.

Gepostet von Bekim Hamëz Jashari am Montag, 21. Januar 2019

Lladrovci nuk ndalet, ia merr edhe një deputet Nismës

Kryetari i komunës së Drenasit, Ramiz Lladrovci, sot ka publikuar lajmin se edhe një ish deputet të Nismës ia bashkon Grupit parlamentar të PDK-së në Drenas. “Ky lajm është i mirë për unitetin në Drenas, për ligjet dhe projektet që na presin gjatë vitit 2019. Arigoni së bashku me deputetët tjerë, do të japë kontributin e tij për mirëqenien e komunës tonë, duke e zhvilluar komunën pa dallim”, ka shkruar Lladrovci në rrjetin social.

Ja postimi i Z. Lladrovci:

“Në Drenas, edhe një deputet i opozitës i bashkohet PDK-së Sot, radhëve të Grupit parlamentar të PDK-së, në Asamblenë komunale të Drenasit, iu bashkua deputeti Arigon Sinani, ish deputet i Nismës. Faleminderit për besimin e dëshmuar Arigon, je i mirëseardhur! Ky lajm është i mirë për unitetin në Drenas, për ligjet dhe projektet që na presin gjatë vitit 2019. Arigoni së bashku me deputetët tjerë, do të japë kontributin e tij për mirëqenien e komunës tonë, duke e zhvilluar komunën pa dallim. Drenica dje ishe bastion i UÇK-së, sot dhe nesër, Drenica mbetet bastion i PDK-së!”

Flet Rafiz Haliti: Arsim Idrizi mori pjesë në aksionet më të suksesshme të UÇK-së në Radushë

Hendbollisti i njohur , Arsim Idrizi, i cili të martën ndërroi jetë pas një sëmundje të rëndë, në vitin 2001 ka qenë pjesëtar i Ushtrisë Çlirimtare Kombëtare në Brigadën 115 në Radushë. Udhëheqësi i kësaj brigade, Rafiz Haliti- Komandant Mësuesi, në deklaratën për Gazetën Lajm, thotë se edhe pse Arsimi ka qenë ndër ushtarët mëtë rinj, megjithatë ka marrë pjesë në luftimet më të ashpra që janë zhvilluar në këtë pjesë. Ai ka qenë ushtar në Majen e Kuqe, pikën ku janë zhvilluar luftimet më të mëdha. Ka qenë pjeëmarrës edhe në aksionin për marrjen nën kontroll të kazermës.