Osmani – Linkeviçius: Pas 15 vitesh status kandidues, këtë vit Maqedonia do të merr datë

Zëvendëskryetari i Qeverisë për Çështje Evropiane, Bujar Osmani mbajti takim me ministrin për Punë të Jashtme të Republikës së Lituanisë, Linas Linkeviçius, i cili për vizitë pune ndodhet në vendin tonë.

Në takim u hapën tema për sfidat me të cilat ballafaqohet vendi ynë në rrugën drejt anëtarësimit në BE, për mbështetje nga ana e Lituanisë për rrugën tonë euro- integruese, si dhe sfidat që e presin Bashkimin Evropian këtë vit.

“Bashkimi Evropian hyn në një periudhë më turbulente nga ekzistimi i saj, e ngarkuar me sfidën e finalizimit të Bregzit, ndërhyrje në populizëm dhe radikalizëm në sistemet politike të vendeve – anëtare, si lëvizje gjeopolitike në gjithë periferinë” theksoi Omani, duke potencuar progresin e Maqedonisë në procesin e integrimeve evropiane, si sukses i përbashkët i vendit dhe Unionit.

“Suksesi i Marrëveshjes së Prespës është më e rëndësishmja për ne, duke e hapur rrugën për anëtarësimin tonë në BE dhe NATO, gjithashtu është edhe fitim i fuqive progresive evropiane të të gjithë kontinentit, në mënyrë të drejtpërdrejt duke e theksuar fuqinë pozitive të idesë evropiane” – theksoi Osmani. Ai potencoi se pas 15 viteve status i vendit kandidat, këtë vit Maqedonia pret datë për negociata.

Gjatë bisedës, bashkëbiseduesit shkëmbyen mendime edhe rreth marrëdhënieve bilaterale dhe bashkëpunimit mes dy vendeve, ku edhe bashkërisht u konfirmua interesi për avancimin e mëtutjeshëm në të gjitha sferave të interesit të përbashkët. Në këtë drejtim në veçanti u potencua mundësia për shkëmbimin e përvojave nga ana e Lituanisë në procesin e negociatave, shkëmbimi i përvojave në implementimin e reformave të thella, si dhe mundësia e ndihmës së drejtpërdrejtë bilaterale të vendit.

Pjesëtari i Grupit të Kumanovës “ndez” burgun e Shkupit me këngën “Kadal hasëm se k’tu ka burra” (Video)

I burgosuri për rastin e Kumanovës, Naser Bajraliu, ka publikuar një video në profilin e tij në Facebook. Kënga që ai ka zgjedhur të këndojë është me motive patriotike. Shumë komentues i kanë thënë atij se ‘po i shkon zëri’.Ndryshe, Grupi i Kumanovës është dënuar me gjithsej 746 vjet burg.

Soreca: Konfiskoni pasuritë e paligjshme, rrezikojnë ekonominë legale

Ambasadori i Bashkimit Evropian Luigi Soreca ka theksuar rëndësinë e progresit të Shqipërisë në luftën kundër krimit të organizuar, si një nga pikat kyçe që do ndikojë në vendimin e Bashkimit Europian në qershor.

Në konferencën e organizuar nga Ministria e Drejtësisë në bashkëpunim me Prokurorinë e Antimafias në Itali, Soreca tha se pret konfiskimin e pasurive të paluajtshme.

“Konfiskimi i pasurive të paligjshme është i rëndësishëm në parandalimin e luftës kundër krimit të organizuar dhe korrupsionit. Pa një veprim efikas, parandalues ndaj pasurive të paluajtshme rreziku që ekonomia legale e një vendi të sulmohet është shumë i lartë. Ndërhyrja në sektorin e masave parandaluese është themelore. Është e rëndësishme që edhe autoritetet shqiptare të eksperimentojnë dhe të përmirësojnë aktivitetin e tyre në sektorin e masave parandaluese. 

Operacioni i konfiskimit të pronave të paligjshme në Shqipëri është në fillim dhe ne presim vendimet përfundimtare të konfiskimeve dhe po ashtu një sinjal të rëndësishëm të progresit që ky vend po bën në luftën kundër krimit të organizuar dhe korrupsionit. Jam këtu për të treguar rëndësinë që kjo temë ka për Bashkimin Europian. Në muajin qershor të këtij viti, Bashkimi Europian do të marrë një vendim të rëndësishëm për negociatat me Shqipërinë. Një nga prioritetet kyç në bazë të së cilave ky vendim do të merret janë pikërisht rezultatet konkrete që Shqipëria do të arrijë në luftën kundër krimit të organizuar dhe korrupsionit,”-tha ai.

Presidenti hakmerret ndaj televizionit A1: Publikoi video korrupsioni

Policia malazeze, të hënën, kanë hyrë në Televizionin privat A1 në pronësi të Dushko Knezheviç, i cili është nën hetime të Gjykatës Speciale në Mal të Zi për korrupsion dhe pasuri të paligjshme. Zoti Knezheviç, i cili gjendet në arrati, e akuzoi pushtetin aktual se po ndërhyn pa të drejtë në pronën private duke shkaktuar trysni tek bashkëpunëtorët e tij. Ai akuzoi presidentin e Malit të Zi, Milo Gjukanoviç se po hakmerret ndaj tij dhe se po tenton të konfiskojë pasurinë e tij. “Gjukanoviç është shef i grupit kriminel në Mal të Zi dhe si hakmarrje ndaj punës time ai po përpiqet të konfiskojë pasurinë time në Mal të Zi”, tha ai. Zoti Knezheviç trasmetoi në stacionin e tij televiziv disa pamje filmike ku shihet dhënia e parave për Partinë Demokratike Socialiste të presidentit Gjukanoviçit në prag të zgjedhjeve në Mal të Zi.

Ndërkohë, drejtoria e policisë bëri të ditur se punonjësit e saj po veprojnë në përputhje me ligjin dhe do të vazhdojë aktivitetin e vetnë përputhjeme urdhër të prokurorit special. “Kjo është e drejtë dhe detyrë e policisë, dhe të gjitha aktivitetet e saj janë të bazuara në lig”, njofton policia. Prokurori special Milivoje Katniç, javën e kaluar, deklaroi se ekziston dyshimi se kryetari i Atlas Grup, ku bën pjesë edhe Televizioni A1, Dushko Knezheviç ka bërë vepër penale të krijimit të organizatës kriminale, fshehjene tatimeve dhe të kontributeve dhe pastrim parash. Prokuroria gjithashtu ka theksuar se zoti Knezheviç është i dyshuar edhe për pastrimine parave në rastin Telekom. Prokurori special Katniç ka shtuar se prej 1 janarit e deri me 13 dhjetor janë ngritur 25 aktakuza, 13 prej të cilave kanë të bëjnë me krimin e organizuar, 10 të tjera me korrupsion të lartë, kurse dy me vepra të tjera penale.

Zoti Katniç ka shtuar se Prokuroria speciale zhvillon hetime kundër 79 personave fizik dhe 95 personave juridik për shkak të veprave penale të “formimit të organizatave kriminale, pastrimit të parave dhe fshehjes së tatimeve dhe të kontributeve”. Ndërkohë, zoti Knezheviç, i cili aktualisht gjendet i strehuar në Londër vazhdon të tronditë opinionin e Malit të Zi me materiale të ndryshme dokumentare dhe filmike kundër presidentit malazez, Milo Gjikanoviç dhe partisë së tij DPS.

Elezi në Vjenë: Maqedonia po zbaton sistemin ‘Fitnech’ dhe përforcoi Luftën kundër pastrimit të parave e financimit të terorizmit

Përparimi i shpejtë në teknologjinë financiare po transformon peizazhin ekonomik dhe financiar, duke ofruar mundësi të gjera e duke rritur kështu edhe rreziqet potenciale. ‘Fintech’ mund të mbështesë rritjen potenciale dhe zvogëlimin e varfërisë duke forcuar kështu zhvillimin financiar, përfshirjen dhe efikasitetin, por mund të paraqesë edhe rreziqe për konsumatorët dhe investitorët e më gjerësisht edhe stabilitetin financiar dhe integritetin.

Kështu, autoritetet kombëtare janë të prirura për të nxitur përfitimet e mundshme të ‘Fintech’ për të zbutur rreziqet e mundshme. Shumë grupe ndërkombëtare dhe rajonale po shqyrtojnë aspekte të ndryshme të ‘Fintech’ në përputhje me mundësinë e tyre përkatëse. Janë bërë thirrje për bashkëpunim më të madh ndërkombëtar dhe udhëzime për mënyrën e trajtimit të çështjeve që janë në zhvillim, ku disa gjithashtu paralajmërojnë reagimeve të parakohshme kundër politikave globale.

Në përgjigje të këtyre thirrjeve nga vendet anëtare, FMN dhe stafi i Bankës Botërore kanë zhvilluar konferencën ‘Bali Fintech’, për të diskutuar mbi çështjet kyçe për hartuesit e politikave dhe Bashkësinë Ndërkombëtare për të konsideruar si vende individuale edhe formulimin e politikave të tyre. ‘Bali Fintech’ si konferencë e parë është mbajtur në tetorin e vitit të kaluar në Bali të Indonezisë e për të vazhduar me konferencën e rradhës tash në Vjenë të Austrisë.

Në suaza të kësaj konference, zv.ministrja e financave Shiret Elezi në paraqitjen e saj në konferencën ‘Balancimi i mundësive dhe rreziqeve Fintech, zbatimi i agjendës së Bali Fintech’ që po mbahet në Vjenë foli për reformat që i implementoi Ministria e financave të Maqedonisë në sferën e përforcimit të Luftës kundër pastrimit të parave dhe financimit të terrorizmit.

“Në vitin 2018 është miratuar një Ligj i ri për parandalimin e pastrimit të parave dhe financimit të terrorizmit, me të cilin legjislacioni nacional u harmonizua me legjislacionin e Bashkimit evropian në fushën e luftës kundër krimit të organizuar. Në ligjin e ri është transpozuar Direktiva e 4-rt e BE-së për parandalimin e përdorimit të sistemit financiar për qëllimet e pastrimit të parave dhe financimit të terrorizmit të vitit 2015, me çrast u bënë ndryshime të rëndësishme në drejtim të ruajtjes së stabilitetit dhe integritetit të sistemit financiar përmes vendosjes së masave të duhura preventive për parandalimin e keqpërdorimit të avantazheve që i ofron lëvizja e lirë e kapitalit, qasja e gjërë në shërbimet financiare, si dhe zhvillimi i shpejtë i teknologjisë financiare , por në të njejtën kohë balancimin e kërkesave rregullative për kompanitë me qëllim që të mundësohet zhvillimi i tyre i vazhdueshëm. Përveç kësaj, duke pasur parasysh rreziqet potenciale që lindin nga përdorimi i parave të gatshme në pjesën e pastrimit të parave dhe financimit të terrorizmit, shuma maksimale për pagesat me para të gatshme është ulur që do të ketë një kontribut të rëndësishëm edhe në luftën kundër ekonomisë gri. Transparenca fiskale është përmirësuar dukshëm nga ministria e financave . Janë publikuar raporte për realizimin e buxhetit nga ana e shfrytëzuesve buxhetorë dhe komunave në bazë mujore dhe tremujore është vendosur detyrimi që të gjitha marrëveshjet për furnizime publike dhe anekset të publikohen në ueb faqe dhe e njejta vlen edhe për llogaritë përfundimtare të të gjitha institucioneve. Për herë të parë në “Librin vjetor të statistikave të financave të qeverisë të FMN-së”, janë publikuar të dhëna për realizimin e buxhetit të qeverisë së përgjithshme sipas metodologjisë më të re. Ne filluam ta publikojmë edhe buxhetin e qytetarëve me qëllim që qytetarët të informohen për planifikimin e buxhetit dhe të mund të marrin pjesë në procesin e vendim-marrjes”, vlerësoi kështu në paraqitjen e saj zv.ministrja Elezi.

Ndërkohë që Elezi rradhiti edhe përpjekjet që po i bën vendi në lidhje me zbatimin e sistemit Fitnech.

“Ministria e Financave në bashkëpunim me Bankën popullore përgadit një Ligj të ri për shërbimet pagesore dhe sistemet e pagesave i cili duhet te  miratohet gjatë këtij viti. Me këtë ligj, legjislacioni nacional harmonizohet me legjislacionin e Bashkimit evropian në sferën e pagesave. Në ligjin e ri, transpozohen më shumë direktiva dhe rregullore, ku në fokus është Direktiva për shërbime pagesore, si dhe Direktiva për paratë elektronike. Qëllimi i ligjit është të sigurojë liberalizimin e tregut të shërbimeve pagesore dhe pagesave, përkatësisht të rrisë konkurrencën me çrast do tu mundësohet kompanive inovative, përkatësisht kompanive fintek të industrisë të konkurrojnë me institucionet tradicionale financiare”, sqaroi mes tjerave zv.ministrja e financave Dr. Shiret Elezi.

Në këtë konferencë morën pjesë Herald Mahrer (President i këshillit të Bankës nacionale austriake), Hartwing Loeger ministër i financave të Austrisë, Ewald Noëotny guvernator i Bankës nacionale austriake, Tobias Adrian këshilltar financiar dhe drejtor në FMN, Aditya Narain zv.drejtore në FMN, Adam Glapinski president i Bankës nacionale polake, Koba Gvenetadze president i Bankës nacionale gjeorgjiane, Vilnus Sapoka minister e financave të Lithuanisë, Daniyar Akishev president I Bankës nacionale kazake, Mugur Isarescu president i Bankës nacionale romune, Gent Sejko president i Bankës popullore shqiptare dhe shumë personalitete të ndryshme nga sfera e financave nga shumë vende të botës.

Delegacioni parlamentar në Bruksel në konferencë për komunikim me qytetarët

Në Bruksel sot do të mbahet konferencë interparlamentare me temë “Komunikimi me qytetarë, si të zhvillohet strategjia gjithëpërfshirëse komunikuese nga Parlamenti”, organizuar nga Grupi për mbështetje të demokracisë dhe koordinimit të zgjedhjeve në bashkëpunim me Komitetin për punë të jashtme të Parlamentit Evropian. Në konferencë merr pjesë edhe delegacioni i Kuvendit të Republikës së Maqedonisë në përbërje të së cilës janë Pavle Bogoevski, Ivan Ivanov, Agim Shaqiri dhe Zeqir Rampilloviq.

Siç kumtoi pres-shërbimi qeveritar , në konferencën që do ta hapë eurodeputeti Eduard Kukan, do të shkëmbehen e mendime dhe përvoja rreth politikës  për komunikim me PE-në, strategjia komunikuese e PE-së për zgjedhjet për PE 2019, si parlamenti mund ta përcjell mendimin publik, si parlamenti të luftojë me lajmet e rreme, Parlamenti Evropian dhe mediat: kushtet e siguruara për gazetarët, Parlamenti Evropian dhe qytetarët: kanale të drejtpërdrejta të komunikimit.

Fjalime të veta dhe debate do të kenë drejtori i përgjithshëm për komunikime dhe zëdhënësi i Parlamentit Evropian, përfaqësues të Drejtorisë së përgjithshme dhe eurodeputetë.

Rrihën rëndë tre policë në Maqedoni, njëri prej tyre lufton për jetë

Sot pasdite janë rrahur tre policë në Shuto Orizari të Shkupit. Dy oficerë të policisë dhe një trajnues policie kanë shkuar në Shuto Orizarë për ta marrë të dashurën e trajnuesit policor dhe banorët e zonës kanë menduar se bëhet fjalë për rrëmbim, pas së cilës ata kanë rrrahur policët dhe kanë demoluar plotësisht makinën e tyre. Të tre janë në Klinikë, njëri prej të treve është në luftë për për jetën. Tek vendi i ngjarjes janë dërguar ekipet speciale për intervenim të shpejtë të njesitit “EBR”.

Ismet Sylejmani uron Bekim Jasharin për ditëlindje: Je balli në rreshtin e vazhduesve mes të gjallëve

Urime ditelindjen i nderuar Bekim Jashari!
Sikur edhe ne kete foto, qe je perkrah figurave te shquara te popullit shqiptar, personaliteteve te medha te luftes e te paqes, Ti sikur edhe paraardhesit e familjes e fisit Tend Lavdimadh JASHARI, je balli ne rreshtin e vazhduesve ne mes te gjalleve e pjestareve te familjes se madhe te Atdheut e te Kombit shqiptar!
Edhe 100 te tjera!
Me shendet e suksese!
Te uroj te ngjitesh ne udheheqjen me te larte te shtetit te Kosoves!
Populli shqiptar, Atdheu dhe Kombi, e kane do ta kene per ndere qe çdo pjestare e vazhdues i heroizmit te pashembullt te familjes JASHARI ti shkoje pas me dashuri e perulje me rrespekt!
Lutemi qe Ju te jeni te forte, me shendet e suksese!
Me shume respekt
Ismet Sylejmani
Prishtine, me 28 Janar 2019!

Urime ditelindjen i nderuar Bekim Jashari!Sikur edhe ne kete foto, qe je perkrah figurave te shquara te popullit…

Gepostet von Ismet Sylejmani am Montag, 28. Januar 2019

Funksionarët e BDI flasin Shqip, mediat dhe funksionerët maqedonas nuk e pranojnë dot

Nxënësit e komunës së Velesit dhe Çashkës tani më do të mësojnë në gjuhën shqipe. Takimi mes ministrit Ademi, prindërërve, nxënësit dhe kryetarët e Velesit dhe Çashkës u kurorëzua me sukses dhe tani më nxënsëit do të arsimohen në gjuhën e tyre amëtare.

Në kuadër të këtij takimi ministri Arbër Ademi në pyetjen e gazeteres shqiptare u përgjigj në gjuhën shqipe, ku më pas reagoi kryetari i Velesit për përgjigjet e tij vetëm në gjuhën shqipe, por Ademi vazhdoi duke insistuar se ai përgjigjët ashtu si është pyetur. “..gazetaret kanë të drejtë të bëjnë pyetje në cilën do gjuhë, dhe se unë përgjigjem në gjuhën që më është parashtruar pyetja”, vazhdoi Ademi.

Edhe pse kryetari i komunës së Velesit u shpreh se do të lëshojë pres konferencën ai nuk pati guxim ta bëjë këtë, ku ministri Ademi vazhdoi të flas në gjuhën shqipe duke ju përgjigjur gazetares shqiptare.

Ndryshe, ministri Ademi sot gjithashtu premtoi se në Klukovec në Veles është paraparë të ketë objekt të ri modern shkollor.

Dekorata “Myfti Vehbi Dibra” për Prof.dr. Skender Kodra

Sot, në Fakultetin e Shkencave Islame në Shkup, në një atmosferë festive, në prani  te stafit akademik te FSHI dhe studentëve, Muftinjëve te BFI , Kryetarit te Kuvendit te BFI,  si edhe të nënkryetarit te BDI, Reisul Ulema h. Sulejman ef. Rexhepi ia ndau dekoratën “Myfti Vehbi Dibra” shkncëtarit dhe veprimtarit të shquar,  Prof. Skender Kodra.

Programi i këtij evenimenti u hap me disa ilahi te interpretuara nga Dr. Abaz Jahja, ndërkaq, fjalën pershendetëse e mbajti  Dekani i FSHI prof. Dr. Shaban Sulejmani i cili vlerësoi lartë këtë moment duke theksuar se FSHI është i nderuat me aktin që po ndodhë sot. Me këtë rast, Reisul Ulema h. Sulejman ef. Rexhepi, në fjalën e vetë, vlerësoi  lartë figurën poliedrike të Dr. Skender Kodra dhe kontributin e tijë të dhënë në SHBA dhe në trojet shqiptare.

Në vazhdim u lexua motivacioni për ndarjen e dekoratës “Myfti Vehbi Dibra” të cilën profesorit Kodra ia ndau personalisht Reisul Ulema, h. Sulejman ef. Rexhepi ,  në të cilën thuhet:

“Bashkësia Fetare Islame e Maqedonisë dhe Reisul Ulema h. Sulejman ef. Rexhepi, dekorojnë z. Skender Kodra me dekoratën “ MYFTI VEHBI DIBRA” për merita të veçanta  në promovimin e vlerave të paqës, dashurisë, humanizmit dhe harmonisë ndërkombëtare si edhe për kontributin e shquar për mbrojtjen e interesit mbarëkombëtar shqiptar .Kjo dekoratë i takon Kryetarit  të Akademisë Shqiptare Amerikane të shkencave dhe arteve në New York , Prof. Dr. Skender Kodra, shkencëtarit të dalluar dhe atdhetarit të përkushtuar, sepse ai në figurën e vetë ngërthen tiparet e një shqiptari bashkëkohorr me vetëdije të plotë për rrënjët e veta, për përkatësinë, për obligimin moral e konkret që ka ndaj popullit të vetë”.

Në motivacionin për ndarjen e kësaj dekorate, më tej thuhet:

”I sukseshëm maksimalisht në punën e vetë  si shkencëtar, profesor e psikolog, i dalluar si veprimtar i çështjes kombëtare, Prof. Kodra përmes angazhimit dhe aktivitetit të vetë në Amerikë e gjetiu, u bë një zë i fuqishëm i shqiptarit dhe shqiptarisë që shquhej me urti në kohë të qeta por që buçiste përherë kur kombi ballafaqohej me vështirësi e rreziqe.   Dekorata që mbanë emrin e një personaliteti të veçantë fetar e kombëtar siç është Myftiu Vehbi Dibra, i ndahet z. Skender Kodra si pasues i denjë i traditave më të ndritura të veprimtarëve e patriotëve shqiptarë”

Në motivacionin e lexuar lidhur me dekoratën “ Myfti Vehb Dibra”, gjithashtu theksohet se “Kontributi i profesorit Kodra për të dëbuarit shqiptarë nga dheu amë  gjatë viteve të luftës dhe me atë rast angazhimi i tijë vetëmohues për të ndihmuar nëpër kampe të ndryshme të refugjatëve e klinika, do mbeten dëshmi se në ç’ mënyrë duhet dashur kombin dhe atdheun. Figura e tijë do shërbejë si fanar për gjeneratat e ardhme që do rrëfejë për një njeri që jetën ia kushtoi lartësimit të kombit e të flamurit shqiptar”

Në fund, duke pranuar dekoratën, Dr. Skender Kodra në fjalën e vetë falenderuese përpara auditorit, i emocionuar dhe i nderuar,  tha:

“Vlerësoj  lartë këtë dekoratë të vlefshme dhe  ndihem i priveligjuar, në veçanti jam i lumtur që ajo po më ndahet nga Reisi i madh i BFI, h. Sulejman ef, Rexhepi, me ç’ rast e falenderoj nga zemra…”