Tërshëra, ushqimi që i bën fëmijët më të zgjuar

Nëse dëshironi që fëmijët tuaj të fillojnë ditën në mënyrë të shëndetshme, ju ofroni një mëngjes me qumësht, drithëra të cilët përmbajnë tërshëre dhe pak fruta të thata.

Tërshëra përmban shumë lloje vitaminash dhe në sasi te konsiderueshme, si dhe lëndë inorganike, për të cilat fëmijët kanë veçanërisht nevojë, që të gëzojnë një shëndet të mirë. Për më tepër, duke shtuar tërshërën në ushqimin e fëmijës tuaj, parandaloni nepset e panevojshme dhe dëshirën e tepruar për ëmbëlsira. Tërshëra përmban fibra të tretshme, të cilat i japin asaj indeks glicemik të ulët. Kjo do të thotë që ndihmojnë në mbajtjen e sheqerit në gjak në nivele konstante, duke mundësuar kështu evitimin e luhatjeve që çojnë në neps për ushqime të përpunuara me përmbajtje të lartë sheqernash të thjeshtë si biskotat, çokollatat dhe ëmbëlsira.

Përmirësojmë përqendrimin

Fëmijët që konsumojnë tërshëre për mëngjes, është e sigurt që ja dalin më mirë në mësime. Këta fëmijë kanë rendiment më të mirë në zgjidhjen e problemeve matematikore dhe në realizimin e detyrave të ndryshme. Lloji i mëngjesit ka një rëndësi të veçantë në performancën mendore të fëmijëve në shkollë. Në një studim të Universitetit Taft, u konstatua se fëmijët që konsumonin tërshëre në mëngjes, në vend të drithërave të tjerë, arrijnë rezultate më të mira në mësime. Kjo gjetje, argumentohet me faktin se drithëra si tërshëra, ofrojnë glukoze-ushqimin më të preferuar të trurit- në mënyrë konstante. Për më tepër, fëmijët që ndjehen të ngopur, e kanë më të lehtë të përqendrohen, në krahasim me fëmijët që ju gërryen stomaku.

Veçanërisht të dobishme për fëmijët me diabet

Tërshëra është një ushqim i çmuar për fëmijët dhe adoleshentët me diabet, pasi i ndihmon ata të kontrollojnë sheqerin në gjak më mirë.

Fëmijë të gëzuar

Ushqimet e pasura ne karbohidrate, si tërshëra, përforcojnë nivelet e serotoninës në tru, lënda përgjegjëse për humorin e mirë, duke ndihmuar kështu adoleshentët të evitojnë luhatjet e shpeshta të humorit.

Për intolerantët ndaj glutenit

Edhe pse tërshëra e ofruar në treg përmban gluten, studimet kane treguar se, fëmijët me kolika dhe çrregullime të tretjes, të cilët kanë ndjekur një dietë pa gluten por që përmbante tërshëre, kanë rezultuar në rikuperim optimal të aparatit tretës. Gjithsesi, nëse fëmija juaj është intolerant ndaj glutenit, duhet të konsultoheni me mjekun pediatër për përdorimin e tërshërës.

Ushqim me përfitime afatgjata

Fibrat dhe beta-glukanet që përmban tërshëra, ndihmojnë ruajtjen e niveleve optimale të kolesterolit në gjak, duku ulur kështu rrezikun kardiak, si dhe ndihmojnë në zbërthimin dhe përthithjen e shumë lëndëve ushqyese që ajo përmban. Beta glukanet janë molekula të ngjashme me fibrat, te patretshme, të cilat forcojnë florën bakteriale të fëmijëve, duke u dhënë atyre një mburojë të shkëlqyer ndaj patogjeneve, diarreve, dhe toksinave të ndryshme të ambientit dhe ushqimit.

Arta Dade: Propozimi i Cakajt, i gabuar

Ish-ministrja e Jashtme, Arta Dade e ftuar në emisionin “A Show” ka komentuar mosdekretimin e Gent Cakajt në krye të ministrisë së Jashtme. Dade teksa e komentoi Cakajn si të panjohur, nuk kurseu as batutat “përderisa është kaq i mirë pse nuk ia cojmë Kosovës”.

“Sinqerisht nuk e kam njohur atë djalë, kur filloi të bëhej element i medias fillova të kërkoj CV –në e tij dhe nuk e dija që ishte zv.ministër i Jashtëm. Dhe ai nuk duhet të jetë edhe kryenegociator. Përtej faktit që ai është i lexuar, njeh procesin tonë. Mbase të isha unë të isha në vend në Bushatit, nuk do ta lija si krye negociator. Fakti që është është nga Kosova, ishin eksagjerime. Fjala ‘turp’ ka inflacione, ky djalë nuk ka as mandat përfaqësimi. Mua më vjen keq, por përderisa ëshë kaq i mirë pse nuk ia cojmë Kosovës. Kosova ka nevojë për të tilla potenciale”, tha ajo.

Perks: Shëndetësia dhe arsimi në Maqedoni janë në gjendje të vështirë

Ai thotë se qeveria ka ndërmarrë disa hapa në drejtim të reformave, por se nevojitet kohë për të parë rezultatet. Shefi i OSBE-së në Maqedoni Benjamin Perks në intervistë për televizioni “1Tv” tha se beson se nevojiten reforma në vend për të parandaluar përkeqësimin e arsimit dhe shëndetësisë në vend. “Ne jemi të shqetësuar për gjendjen e fëmijëve në Maqedoni për sa i përket shëndetit, arsimit, mbrojtjes sociale. Ky është i vetmi vend në rajon me shkallën më të lartë të vdekshmërisë tek të sapolindurit, ndërsa arsimi po bie. Janë të nevojshme reformat që të parandalohet ky përkeqësim dhe vendi t’i arrijë vendet e tjera të rajonit”, tha Perks.

Sipas tij, arsyeja për këtë situatë është sepse vendi po i kushton më shumë vëmendje gjeopolitikës dhe më pak arsimit dhe kujdesit shëndetësor. Ai thotë se qeveria ka ndërmarrë disa hapa në drejtim të reformave, por se nevojitet kohë për të parë rezultatet. “Ka një paketë reformash intensive që filluan vitin e kaluar. Tani ekziston një plan për “çdo fëmijë të porsalindur”, në përpjekje për të zvogëluar rrezikun e vdekshmërisë dhe përkeqësimin e shëndetit tek të porsalindurit dhe nënat. Në arsim filloi zbatimi i disa masave, mbrojtja e fëmijëve është përmirësuar, ne shohim më shumë lehtësira të reja për fëmijët me aftësi të kufizuara, kështu që ka reforma, por nevojitet më shumë kohë për të parë rezultatet në shëndetësi dhe arsim”, tha Perks.

Ligji për gjuhën shqipe edhe në Gazetën zyrtare, konfirmon kryeparlamentari Xhaferi

Ligji për përdorimin e gjuhëve ku bën pjesë edhe përdorimi i gjuhës shqipe, tashmë është bërë publik edhe në Gazetën zyrtare.

Kështu e konfirmon edhe kryeparlamentari Talat Xhaferi i cili përmes një statusi në rrjetin social facebook bën të ditur se tashmë ligji është publikuar edhe në Gazetën zyrtare edhe pse ishte paralajmëruar se ky proces do të ndodhë gjatë kësaj jave.

“Ligji për gjuhët, edhe në gazetën zyrtare”, kështu shkruan në faqen zyrtare të kryeparlamentarit Xhaferi.

Thënia “besoni instinktit” është një mit

Kur vjen puna te marrja e vendimeve të vështira, ata zëra në kokat tona gabojnë më shpesh se sa kanë të drejtë.

Themeluesit janë njerëz të vështirë. Ata kanë tendenca të mbështeten në gjykimin e tyre, dhe ndoshta në këshillën e një ose dy njerëzve të brendshëm. Është pothuajse e pamundur që të hyni në atë rreth të brendshëm dhe të fitoni besimin e tyre. Ndërmarrësit më së shumti duket se i besojnë atij zëri të brendshëm dhe vetëm flasin. Këtë janë mësuar të bëjnë. Pyetja është se, a është kjo një gjë e mirë?

Mençuria më e zakonshme është se themeluesit duhet të mësojnë t’u besojnë instikteve të tyre. Fatkeqësisht, kjo nuk funksionon aq shpesh sa kemi dëshirë. Kur vjen puna te marrja e vendimeve të vështira, ata zëra në kokat tona gabojnë më shpesh se sa kanë të drejtë. Instiktet tuaja qartë nuk kanë një monopol në mençuri.

Një pjesë e problemit është se ne të gjithë dëgjojmë tregimet e suksesshme të ndërmarrësve, dhe supozojmë se instiktet e tyre bënë këto ndryshime. Ka dyshim se këto tregime janë më shumë përjashtime se rregulla. Ja një tregim i cili është bërë shumë i famshëm së fundmi:

Kur Kleiner Perkins dhe Sequoia Capital u pajtuan të financojnë Google në vitin 1999, firmat e ndërmarrjeve kapitaliste kishin një kusht: themeluesit Larry Page dhe Sergey Brin duhej të sjellnin një kryeshef ekzekutiv me përvojë si mbikëqyrës i të rriturve. Ata u pajtuan pa dëshirë. Pas të gjithash, kjo ishte foshnja e tyre, dhe ata nuk dëshironin t’ia linin dikujt tjetër.

Pas intervistimit të shumë kandidatëve, ata filluan të luftonin me peshën e vendimit. Si t’a dinin se kush ishte i duhuri? Kush do të përshtatej me kulturën unike që ata po krijonin? Pastaj ata mësuan se ish Kryeshefi Ekzekutiv i Novell Eric Schmidt kishte qenë në Burning Man. Kjo, prej të gjitha gjërave, bëri një ndryshim.

Del se festivali në shkretëtirë karakterizohej nga temperatura ekstreme, kreativitet dhe festa. Të tretë u bashkuan dhe marrëveshja u mbyll. Që nga atëherë ata patën të ngritura dhe të ulura, por ajo që filloi si dy themelues dhe një të jashtëm u shndërrua në njërën prej triumfeve më të suksesshme në historinë e korporatës.

Ne mund të debatojmë për atë se çfarë kritere përdorën themeluesit për të zgjedhur atë njeri i cili do të udhëheqte biznesin e tyre fillestar, por jo rezultatet. Kur Schmidt ia la kompaninë Page dhe u bë zëdhënësi ekzekutiv një dekadë më vonë, gjiganti i kërkimeve kishte vlerë më shumë se 200 milion dollarë.

Është e lehtë të themi, pas faktit, se vendimi për të punësuar Schimdt ishte i inspiruar. Por a ishte me të vërtetë? Çfarë nëse Page dhe Brin nuk e kanë ditur se Schimdt kishte shkuar në Burning Man. Çfarë nëse kishin punësuar dikë tjetër? A do t’i besonin dikujt tjetër? A do të dilnin gjërat ndryshe? Dhe sa merita ka Schimdt për suksesin e Google?

Ne nuk do t’i dimë kurrë përgjigjet e këytre pyetjeve, por e dimë se të ardhurat e Google dhe makina përfituese është dhe gjithmonë ka qenë falë platformës reklamuese Adwords, e cila doli pas Schmidt. Gmail, Maps, Chrome, Android , gjithçka që erdhi më pas parashikoi suksesin e AdWords. Gjithçka. Gjithashtu vlen të theksohet se vlera e Google është trefishuar që kur Page e mori përsipër gjashtë vite më parë.

Përderisa është një gjë e mirë se Page dhe Brin ishin në gjendje të vendosnin egot e tyre mënjanë dhe t’i besonin një njeriu të jashtëm, nuk është e qartë se a kanë luajtur rol të madh instiktet e tyre në këtë zgjedhje apo në rezultate. Në të kundërtën, ata dëshironin të vazhdonin vetëm, por ndërmarrësit kapitalistë i detyruan ata.

Duke punuar me shumë themelues të kompanive të mëdha dhe të vogla, mund t’ju them se të bëhesh këshillues i besueshëm merr kohë dhe këmbëngulje. Nuk ka asnjë mënyrë për të parashikuar se çfarë do të ndodhë. Ju ose përshtateni me ta ose jo. Ndërmarrësit mund të jenë shumë bardhë e zi në atë mënyrë. Shumë prej tyre i besojnë vetem vetes.

Kam parë shumë prej tyre duke u verbuar nga vizioni e tyre dhe duke marrë vendime dritë-shkurtëra. Nganjëherë ata janë shumë afër situatës dhe u dorëzohen përvojave të limituara. Herët tjera ata zihen në zonën e tyre të rehatisë dhe marrin rrugën e rezistencës. I kam parë të gjithë.

Mos më keqkuptoni: Nuk po them se është e lehtë të dini se kujt ti besoni ose nën çfarë rrethana. Nuk pretendoj se i kam të gjitha përgjigjet. Nuk ka ndonjë rregull për këtë gjë. Nëse do të kishte, nuk do të kishim kaq shumë biznese të dështuara fillestare.

Ajo që mund t’ju them është se nëse jeni të zgjuar, të vetëdijshëm, keni gjasa që të merrni vendimin e duhur në kohën e duhur. Nëse jo, këshillën ‘’besoni instiktit tuaj’’ merreni me kujdes. (Entrepreneur)

*Steve Tobak është këshillues i menaxhmentit, gazetar, ish ekzekutiv i lartë, dhe autor i “Real Leaders Don’t Follow: Being Extraordinary in the Age of the Entrepreneur”

Vëllai i Oliver Ivanoviqit s’e përjashton përfshirjen e Radoiçiqit në vrasje

Mirosllav Ivanoviq, vëllai i liderit të vrarë serb të Kosovës, Oliver Ivanoviq, ka thënë sot se nuk ka ndonjë informatë të besueshme se në vrasjen apo përgatitjen për vrasje ka qenë i përfshirë Millan Radoiçiqi, por se nuk e përjashton përfshirjen e tij.

Mirosllavi ka thënë në “TV Vojvodina” se edhe Prishtina edhe Beogradi kanë interes që vrasja të zbardhet.

Ai ka shtuar se nuk ka ndonjë informatë të besueshme se Radoiçiqi është i përfshirë, por do të “gënjeja nëse do të thosha se ai njeri nuk është objekt i interesit tim”, duke pasur parasysh se ai është një person që përmendet shumë në këtë kontekst, për të lidhen shumë rrëfime, ka shumë të dhëna e informacione, transmeton Koha.net.

Ivanoviqi ka thënë se informacionet në lidhje me vrasjen i merr sikurse çdo lexues apo shikues tjetër i televizioneve apo mediave tjera.

“Jam gjyqtar [në Kosovë] dhe nëse do të thosha se dikush duhet të më informoj, do ta godisja veten time, por unë kërkoj vetëm të më njoftojnë, të më sigurojnë se po merren me rastin”, ka thënë Mirosllav Ivanoviq.

Kujtojmë se Policia e Kosovës, gjatë një bastisjeje në veri të Mitrovicës më 23 nëntor të vitit të kaluar, kishte arrestuar katër persona të dyshuar për lidhje me vrasjen e Ivanoviqit, e në mesin e personave që është dashur të arrestohej ka qenë edhe Radoiçiqi, por i njëjti nuk ishte gjetur në banesën e tij, raporton Koha.net.

Radoiçiqi, që njëherësh është edhe nënkryetar i Listës Serbe, mësohet se pas këtij aksioni është zhvendosur në Serbi prej nga ka dhënë edhe disa intervista në të cilat ka deklaruar se ka ikur për shkak se Policia e Kosovës ka pasur në plan që ta vriste atë.

Presidenti serb, Aleksandar Vuçiq, i ka dalë në mbrojtje atij.

Nisma për bashkimin e Mitrovicës, Pacolli i del krah Bahtirit

Ministri i Ministrisë së Punëve të Jashtme, Behgjet Pacolli, ka thënë se e përkrah iniciativën e kryetarit të Komunës së Mitrovicës, Agim Bahtiri për bashkimin e Mitrovicës.

“Besoj që askush nuk është kundër nismave qytetare, të bazuara në kushtetutë dhe ligj, për më tepër kur këto janë një mekanizëm për ushtrimin e sovranitetit i cili buron nga qytetarët dhe u takon vetëm atyre”, ka shkruar Pacolli në “Facebook”.

Pacolli ka thënë se Republika e Kosovës e ka rregulluar mjaft mirë procedurën dhe kriteret përmes të të cilave realizohet një nismë legjislative nga qytetarët, qoftë për ndryshimin e ndonjë ligji apo hartimin e ndonjë ligji të ri.

“Dihet se inicimi i nismës legjislative është vetëm një fazë e kësaj procedure, dhe se pas kësaj i mbetet Kuvendit të Republikës së Kosovës që të vendos për procedimin e mëtutjeshëm të nismës legjislative, që vjen nga qytetarët”, ka shtuar Pacolli.

Për nismën e qytetarëve të Komunës së Mitrovicës së Jugut për ndryshimin dhe plotësimin e Ligjit për Kufijtë Administrativ të Komunave, e iniciuar nga kryetari i Komunës Agim Bahtiri dhe Kuvendi Komunal i Komunës së Mitrovicës së Jugut, Pacolli ka thënë se është një e drejtë kushtetuese, që buron nga vullneti i tyre për të ushtruar sovranitetin që i takon vetëm qytetarëve.

Kryetari i Komunës së Mitrovicës, Agim Bahtiri në një konferencë të mbajtur sot ka thënë se për shtatë ditë sa ka zgjatur peticioni për bashkimin e Mitrovicës atë e kanë nënshkruar 16 mijë e 594 qytetarë.

Franca përshëndetë miratimin e ndryshimeve kushtetuese në Maqedoni

Franca e përshëndet votën përfundimtare mbi ndryshimet kushtetuese më 11 janar nga Kuvendi i Maqedonisë dhe vlerëson se bëhet fjalë për një fazë e rëndësishme për hyrjen në fuqi të marrëveshjes së Prespës, e cila duhet t’i jep fund kontestit me Greqinë.

“Franca e përshëndet votën përfundimtare për ndryshimet kushtetuese më 11 janar 2019 nga ana e Kuvendit të Ish-Republikës Jugosllave të Maqedonisë, të cilat parashikohen me marrëveshjen e Prespës të nënshkruar më 17 qershor të 2018-tës në mes këtij vendi dhe Greqisë.

Kjo është një fazë e rëndësishme për hyrjen në fuqi të kësaj marrëveshjeje historike, e cila do ti jep fund kontestit dypalësh.

Siç theksoi edhe Presidenti i Republikës Franceze, marrëveshja është e mirë për vendin, për rajonin dhe për Evropën.

“Franca tani dëshiron që së së shpejti kjo të ratifikohet e dhe në Kuvendin grek”, tha zëdhënësja e Ministrisë për Evropë dhe Punëve të Jashtme të Francës, Agnes Von Der Muhll, të cilën e përcolli ambasada franceze në vend.

Afati i fundit kur qytetarët e Maqedonisë do të duhet të ndryshojnë dokumentet personale me emrin e ri të shtetit

Emri i ri i Maqedonisë do të shoqërohet edhe me shpenzime të reja për qytetarët. Pas ratifikimit të marrëveshjes së Prespës nga ana e parlamentit Grek qytetarët e Maqedonisë së Veriut, do të duhet t’i ndryshojnë dokumentet materiale të administratës shtetërore, dokumentet për përdorim të brendshëm dhe dokumentet për përdorim të jashtëm. Nëse llogarisim, vetëm nxjerrja e pasaportës së re, letërnjoftimit dhe lejes për vozitje, për një person do të kushtojë rreth 2300 denarë. Për një letërnjoftim nevojitet kërkesë që kushton 20 denarë dhe fletëpagesë 190 denarë, gjithsej 210 denarë.

Për një pasaportë nevojitet formular që kushton 1500 denarë dhe taksë administrative 200 denarë, gjithsej 1700 denarë. Për lejen e vozitjes nevojitet formular që kushton 280 denarë dhe taksë administrative 110 denarë, gjithsej 390 denarë. Për qytetarët të tria këto dokumente kushtojnë 2300 denarë. Zëdhënësi i qeverisë, Muhamed Hoxha, për TV21 tha se do të jetë e domosdoshme që qytetarët t’i ndërrojnë të gjitha dokumentet që posedojnë, në një afat kohor prej pesë vjetësh, pasi të hyjë në fuqi Marrëveshja e Prespës.

“Saktë në marrëveshjen e cila pritet të miratohet nga parlamenti grek dhe të hyjë në fuqi, brenda 5 viteve, e cila do të jetë e lidhur edhe me hapjen e kapitujve me negociatat me Bashkimin Evropian, do të fillojë edhe ndryshimi i dokumenteve. Kjo procedurë sipas marrëveshjes duhet të mbarojë me një afat prej pesë viteve”, tha Muhamed Hoxha – Zëdhënës i Qeverisë.

Në Marrëveshje qëndron se pasi që të bëhen ndryshimet kushtetuese dhe pasi që Maqedonia të mbarojë me të gjitha procedurat e brendshme juridike që Marrëveshja të hyjë në fuqi, Greqia menjëherë do ta ratifikojë të njëjtën. Kur të ratifikohet Marrëveshja, Greqia duhet që ta miratojë edhe Protokollin për hyrjen e Maqedonisë së Veriut në NATO dhe të kërkojë anëtarësimin e vendit fqinj me emër të ndryshuar në BE.

Pasi që Marrëveshja të hyjë në fuqi, Maqedonia duhet që t’i njoftojë të gjitha organizatat ndërkombëtare, multilaterale dhe rajonale, institucionet dhe forumet që është anëtare, se kjo marrëveshje ka hyrë në fuqi dhe se më pas do të kërkojë nga ata që ta pranojnë dhe ta përdorin emrin e ri.