Mos kishte qenë Alia, Muki dhe Zaevi do të mbillnin sallata

Miu ngjitur mbi shpatullat e një elefanti gjigand , tha se dridhej ura tek po kalonin sipër saj .
Kjo i ngjan rrëfimit që edhe sot në politikë shumë kush e ka të paqartë se kush cilin e solli në pushtet.Përgjigja është e thjeshtë që në gjithë kombinatorikat e zgjedhjeve të fundit Parlamentare , LSDM me 49 deputetë , pa BDI-në do rrinte edhe gjatë në opozitë dhe madje do bëhej shumë më shumë e dobët në zgjedhjet që do pasonin ndërsa as Presidentin nuk do ta fitonte dot partia e Zaevit.Prej atij momenti LSDM filloi rimëkëmbjen , por edhe shënjestrën ndaj një partie që e solli atë ku ndodhet tani.
Por megafonët shqiptarë të këtij subjekti përfshirë më të ” zëshmin” Mukin që problemin nuk e sheh kurrë te maqedonët pra LSDM kur duan ta nisin grindjen me një parti shqiptare, shfaqet Muki me ” super mendimet e parashikimet” duke folur si forcë e madhe maqedone se me kë do bëj koalicion ose jo duke përjashtuar partinë më të madhe shqiptare.BDI që ta dijë MUKI as e ka ndërmend të bëjë koalicion me ndonjë parti maqedone sepse BDI ka koalicion me shqiptarët .Por që pa BDI-në Muki dhe Zaevi do të bëheshin si ajo fraza tashmë e njohur ” Do mbillnin sallata”.

Muki e harron vetëm një fakt dhe është po aq mosmirënjohës në këtë pushtet që ka , e gjitha nën vulën e BDI-së.Kjo e fundit Muki harron se kishte mjaftueshëm deputetë që po të rreshtoheshin kah VMRO-ja , sot ” dinastia” e LSDM-së , nuk do ishte dhe Zaev e Muki do përshëndeteshin si politikanë .
BDI u rreshtua me LSDM-në dhe në cfarëdo interpretimi ishte ajo që e rrëzoi Gruevskin dhe jo Zaevi .
Gruevski në dritare priste një përgjigje që nuk e morri kurrë nga BDI dhe aty nisi rrënimi politik i njeriut që tashmë ndodhet në azil në Hungari.

Muki dhe partia e tij nuk i kanë bërë llogaritë mirë dhe harrojnë se pas 12 Prillit do shkojnë sërish të vërtiten tek selia blu në Recicë për ta lutur të vazhdojë jeta e tyre politike dhe qeverisja e tyre por më parë ata duhet ta kalojnë një mur të madh .Duhet pra më parë ta mundin VMRO-në para se ti bëjnë matematikat me të tjerët.E vogël do mbetet LSDM pa shqiptarët.

Uji i Patishka Rekës më i pastër në të gjithë Shkupin

Pastërtia e ujit të pijshëm në kryeqytetin e Maqedonisë së Veriut dhe rrethinë gjithmonë ka qenë temë diskutimi. Një video e publikuar në rrjetet sociale ditëve të fundit ka ngritur shumë polemika në ujin e pijshëm, pikërisht në atë nga Ujësjellësi i Shkupit, i cili në videon e publikuar del më i ndoturi.

Në fakt, parashtrohet pyetja, se cili ujë i pijshëm është më i pastër? Sigurisht se kjo përgjigje ka surprizuar të gjithë, pasi mendja e secilit shkon në drejtim të fshatit Luboten, aty ku shumica e qytetarëve të Shkupit, shkojnë të furnizohen me ujë të pijshëm, duke pretenduar se ai është uji më i pastër dhe që bën mirë për shëndetin. Por në fakt, rezultatet tregojnë ndryshe. Uji më i pastër rezulton të jetë ai nga fshati Patishka Rekë.

Pas Patishka Rekës renditja vijon kështu:

Uji i Patishka Rekës: 14
Uji Rosa: 32
Uji i Lubotenit: 37
Uji Gorska: 68
Uji i Ramës (fshatit Brezë): 81
Ujësjellësi i Shkupit: 239

Uji më i pastër nga Fshati Patishka Rekë ✅

Gepostet von Sharri.info am Mittwoch, 19. Februar 2020

“Vdiq nje dashuri ” Projekti i ri muzikor nga Erta Qerimi (Video)

Ka një zë unik, të jashtëzakonshëm. Me një shikim ‘vrastar’ dhe butësi në interpretim, shoqëruar nga një vokal prej një ylli të vërtet. Erta Qerimi quhet këngëtarja e cila ka shkëlqyer në industrinë muzikore shqiptare, si një premtim serioz që i bëhet të ardhmes, duke i thënë se profesionalizmi do të jetë i pranishme si në nivelin artistik ashtu dhe atë të paraqitjes skenike. Me zërin e saj të ëmbël e melankolik ka befasuar në secilin interpretim .
Kënga e re nga Erta Qerimi mban titullin “Vdiq nje dashuri” , Kënga menjeher pas publikimit është vershuar nga klikimet dhe komentet shumë pozitive.

Ali Ahmeti: Kosovë, gëzuar nga Abaz Gjuka

“Sot, në këtë përvjetor, me nostalgji i rikthehem idealit të një jete të tërë kushtuar kombit, Kosovës, lirisë.

Sa shokë tanë ranë ndër vite dhe nuk e arritën ta përjetojnë atë për të cilën u flijuan, Kosovën shtet, sot i kujtoj me mall e me respekt të gjithë, lavdi të gjithë të rënëve për liri, më të mirëve të kombit!

Gëzuar Kosovë nga biri yt, Abazi!” – thotë Ahmeti

BDI: Nuk mbulohet dielli me shoshën e ASH, jeta cilësore, zhvillimi, puna, rinia dhe vetingu janë fokusi jonë

Ish partneri jonë në Qeveri, fraksioni i PDSHsë së Menduh Thaçit, ASh, verbërisht po injoron të arriturat e mëdha të shqiptarëve në Maqedoninë e veriut.

Mbi 25.000 administratorë shqiptarë, gjuhë e flamur zyrtare, dy universitete shqiptare, shkolla, spitale, kryetar kuvendi, kryetar gjykate supreme, kryetar i federatës së futbollit, NATO dhe BE si dhe shumë projekte të tjera të panumërta injorohen nga partitë që kanë program vetëm për të rrënuar BDInë dhe për të rrënuar të gjitha tona.

Ka akoma punë për të bë dhe ne jemi të përkushtuar për ta vazhduar rrugën tonë për të arritura të mëtejme në vend në drejtim të zhvillimit, vendeve të punës për të gjithë, vetingut dhe drejtësisë joselektive, rinisë. Ish partnerët tonë të koalicionit duhet të fokusohen në të arriturat dhe të lënë kritikat dhe sulmet, por të pëqëndrohen në ofertë konkrete produktive.

Shqiptarët dhe të gjithë qytetarët në vend presim qasje konstruktive dhe ofertë praktike me të menduar pozitiv. Prandaj, BDI është e përqëndruar tërësisht në drejtim të cilësisë së jetës dhe përafrimit të standardit me ato të vendeve të Bashkimit Evropian.

Mirdita Thaçi sjell receten e Tortës së Pavarsisë, e jashtëzakonshme në shije dhe pamje

Të gjithë e njohin master-chiefen e parë shqiptare që përgatit tortat më të shijshme dhe më madhështore. Në faqen e saj në Instagram, ajo prezanton punën e saj briliante. Mirdita Thaçi nga @mirifrommybaguette sjell receten e Tortes së Pavarsisë.

Përbërsit për pandispanjen:

-120 g miell

-120 g sheqer

-4 vezë

Përbërsit për fillin:

-1 kg hopla

-300 g Couverture 65 perqin kakao

(Çokolladë e zezë
-300 g ( biskota Oreo të shtypura)

Përbërsit për Buttercreme :

-400 g gjalp – temperaturë dhome

-200 g vetëm të bardhën e vezës

Filli:

E shkrijm Couverturen me një enë mbi ujë të nxehtë.

E përgatisim (1 kg hopla në shllag)
Ndërkohë Oreot i shtypim ose coptojmë të vogla. Kur shkrihet çokollada e ftohim pak dhe ja hedhim shllagut, e përziejmë pa mixer, pastaj ja shtojmë Oreot dhe i përziejmë lehtë e më pas i fusim për tu ftohur.

Pandispanja:
Perzihen vezët me sheqerin për 5 Minuta me mikser. Ngadalë ja hedhim nga një lugë miell dhe i perziejm avash me dorë. Deri sa përzihet e gjith masa me miell, e shtrijmë në një formë katrore (tepsi), mbi letër gatimi, në menyr që të mos ngjitet. E fusim në furr për 5 – 7 minuta në 180 gradë. Pasi ta nxerrim nga furra e të ftohet mirë.

Tutje i prejmë numrat me masa të një kartoni (numrat apo formen e deshirës që keni) mbi pandispanjë dhe e presim formen.

E lyejmë pandispanjen me marmelad të pjeshkëë dhe e shtrijmë fillin mbi, kështu e përsërisim dy herë.

Pandispanje fill dhe nje pandispanjë në fund dhe i fusim për tu ngri një natë minimum për gjashtë orë.

Buttercreme:

E mbushim një enë të të me ujë të përvluar dhe qesim një enë sipër, aty hedhim sheqerin dhe të bardhat e vezës, e i përziejmë deri të shkrihet e gjithë masa. E fusim në mikser për 5 minuta. Pastaj, hedhim gjalpin në copëza të vogla një nga nje dhe e përziejmë me mixer deri të bëhet tamam krem.

E nxjerrim torten prej frigoriferit, e lyejmë një herë me Buttercreme dhe prap e fusim për 10 minuta të ngrihet.

Nderkohë fondatinen e përgatisim, e nxjerrim prej pakos dhe e ngjeshim, e bëjmë në formë te një topi dhe e mbështjellim që mos me mu forcu.

E nxjerrim torten për së dyti dhe e lyehmë edhe një herë me Buttercreme derisa të mbulohet e gjithë torta komplet, derisa nuk shihet më filli.

E shtrijmë fondatinën mbi pudërsheqer dhe ja hedhim tortës mbi, e shtrijmë fondatinën derisa të mbulohet e gjithë torta dhe e prejmë tepricen anash.

Shqiponjën dhe plisin i kam përgatitur një ditë para me fondant, për tu ngrirë forma, e të mos prishen mbi tortë.

Të gjitha dekorimet me fondant mund ti ngjitni me marmeladë të pjeshkës.

Punësime në bazë të etnitetit të rrejshëm, Avziu: Angazhohem në zgjidhjen e problemit

Edhe Qeveria punëson ‘maqedonas’ të vetëshpallur si shqiptarë. Falë softuerit së tyre të quajtur “Balancer”, vendet e punës të rezervuara për shqiptarë, edhe në institucionin ekzekutiv, Shërbimin për punë të përgjithshme dhe të përbashkëta, ishin mbushur me të punësuar të cilët mbanin emra maqedonas por të cilët ishin deklaruar si shqiptarë të rrejshëm.

Mirëpo kjo problematikë pritet që të gjejë një zgjidhje edhe atë falë sekretarit shtetërorë në Ministrinë e shoqërisë informative dhe administratë Adem Avziu i cili zotohet që kësaj çështje t’i gjejë zgjidhje dhe problemi mos shfaqet në të ardhmen. Nga Ministria e Administratës theksojnë se për ta eliminuar këtë fenomen, kërkojnë që përkatësia etnike të vihet në certifikatën e nënshtetësisë.

“Më vjen keq që pala maqedonase për një vend pune është në gjendje që brenda 24 orëve me një deklaratë në noter të ndërojë përkatësinë etnike. Ne si BDI dhe unë si sekretar shtetërorë do të angazhohemi që të sofistikojmë Balanserin që në të ardhmen mos të ketë hapësirë për keqpërdorime duke marrë parasyshë edhe ndryshimet e nevojshme për dëshminë e etnitetit në nënshtetësi si dhe në letërnjoftimet e reja ku saktë do të përcaktohet etniteti i qytetarit”, kështu thekson sekretari shtetërorë Avziu i cili shton se me këtë rast inkurajon të gjithë anëtarët shqiptarë nëpër komisione për punësim që kandidatëve maqedonas t’iu bëjnë intervista në gjuhnë shqipe.

“Inkurajoj dhe u bëj thirrje pubike të gjithë anëtarëve shqiptarë të komisioneve për punësime që kandidatët maqedonas ose të tjerë të cilët deklarohen si shqiptarë lirisht mund t’iu bëjnë intervistë në gjuhën shqipe dhe të njejtët nëse nuk mund të përgjigjen në gjuhën shqipe duhet të vlerësohen me pikë minimale”, sqaron mes tjerave Avziu.

Premierë/”Ma lova”, projekti i ri muzikor nga GEGA (Video)

Ka një zë unik, të jashtëzakonshëm. Me një shikim ‘vrastar’ dhe butësi në interpretim, shoqëruar nga një vokal prej një ylli të vërtet. Gega quhet këngëtari i cili ka shkëlqyer në industrinë muzikore shqiptare, si një premtim serioz që i bëhet të ardhmes, duke i thënë se profesionalizmi do të jetë i pranishme si në nivelin artistik ashtu dhe atë të paraqitjes skenike. Me zërin e ti të ëmbël e melankolik ka befasuar në secilin interpretim. Kënga e re nga Gega mban titullin “MA LOVA” , Kënga menjeher pas publikimit është vershuar nga klikimet dhe komentet shumë pozitive.

Ziadini dhe Bilalli përmbledhin bishtin dhe votojnë rresht për një, asgjë nga burrnia e tyre

Ndonjëherë në politikë është më mirë të heshtësh se sa të dalësh në fund blof.Akoma më keq kur gëlltit ato që ke thënë dhe vetëm për disa ditë ndryshon tërësisht duke treguar jo seriozitet politik dhe si subjekt politik.

Kjo ndodhi edhe me dy partitë shqiptare ASH dhe BESA që duke luajtur lojën e “këputjes së dafinave ” do të votoj ,nuk do të votoj,më në fund padyshim u rreshtuan pro votimit të ligjit për Prokurori Publike “besnike ” të së cilës deri në fund i mbeti vetëm VMRO duke mos e votuar atë.

Ziadini dhe Bilalli edhe njëherë u treguan të luhatshëm dhe me qëndrime të dyzuara për shkak se përkundër asaj se ishin kategorik se nuk do votonin këtë ligj të rëndësishëm,bënë shumë zhurmë dhe në fund përmblodhën bishtin dhe votuan rresht për një, duke mos treguar asgjë nga burrnia e tyre.Në fakt votat e tyre LSDM i ka patur të sigurta përherë në këtë mandat tre vjeçarë.

Me 80 vota për dhe 6 kundër, kuvendi i Republikës së Maqedonisë së Veriut, votoi Ligjin për Prokurorinë Publike dhe tani pritet shpërbërja e Parlamentit duke i hapur udhë zgjedhjeve të parakohshme parlamentare që do të mbahen më 12 Prill.