Ahmeti: Në radhë të parë shëndeti i qytetarëve, data e zgjedhjeve nuk ka rëndësi

Për kryetarin e Bashkimit Demokratik për Integrim, Ali Ahmeti, në radhë të parë mbetet shëndeti i njerëzve dhe lufta sa më efikase kundër koronavirusit. Në emisionin Click Plus në TV21, Ahmeti tha se është në komunikim të vazhdueshëm me Zoran Zaevin e LSDM-së dhe Hristijan Mickovskin e VMRO-së, sidomos kur bëhet fjalë për çështje të rëndësishme për shtetin dhe menaxhimin e situatave.

“Unë jam në komunikim me z.Zaev, me z.Mickovski për çështje të rëndësishme që kanë të bëjnë me shtetit dhe menaxhimin e situatave. Sigurisht kemi biseduar edhe për çështjet e zgjedhjeve. Me rëndësi ka qenë që në radhë të parë të ruhet shëndeti i njerëzve dhe të bëhet një shërbim sa më efikas që ky virus të na godas rreptësishtë, por të marrim masat preventive. Kështu që u shpall gjendje e jashtëzakonshme dhe në çdo 30 ditë bëhet rivlerësim i situatave, dhe dashtë zoti e kalojmë shpejtë këtë situatë. Pak rëndësi ka se kur do të mbahen zgjedhjet”, tha Ahmeti.

Ahmeti: Të gjitha shtabet e BDI-së në shërbim të institucioneve

E kam shfrytëzuar këtë kohë edhe për tu relaksuar, por më shumë për të qenë edhe në komunikim të pandërprerë me bashkëpunëtorët. Shtabi qendror dhe shtabet lokale të Bashkimit Demokratik për Integrim janë vënë në ndihmë të institucioneve të shtetit për ta tejkaluar këtë situatë kaq të rrezikshme për të gjithë qytetarët. Kështu në emisionin Click Plus në TV21 ka thënë lideri i Bashkimit Demokratik për Integrim, Ali Ahmeti, ndërsa ka komentuar situatën aktuale me koronavirusin në vend.

“Kështu jam në komunikim ditor me bashkëpunëtorët dhe përpiqemi të jemi pjesë ndihmuese për ta kaluar këtë situatë të rëndë për vendin dhe qytetarët. Të tërë aktivistët janë në shërbim të institucioneve, të qytetarëve, sepse e tërë bota tanimë është një fushë e minuar dhe ka nevojë shumë sqarime për qytetarët. Sepse, bëhet fjalë për një minë që nuk vret vetëm një njeri, por shumë e shumë të tjerë. Pastaj edhe ka qytetarë që nuk kanë njohuri për seriozitetin”, tha Ahmeti, ndërsa apeloi për respektim të masave qeveritare për mbrojtje nga koronavirusi.

“Për shembull, në Kërçovë deri tani asnjë nuk është identifikuar me koronavirus dhe ka shumë njerëz që e nënvlerësojnë këtë rrezik. Nuk i respektojnë oraret, masat… Mirëpo, duhet tu sqarohen se lëvizje duhet të ndalen, të ndalen nënçmimet, sepse pasojat janë të mëdha”, tha Ahmeti.

Bekim Memeti: Rruga Gostivar – Dibër do të pastrohet dhe mirëmbahet 24/7

Reshjet e borës që përfshin Maqedoninë e Veriut kanë bërë që në teren të dal dhe vet drejtori i Ndërmarrjes Publike “Rrugët e Maqedonisë”, Bekim Memeti. Ai bashkë me punëtorët e ndërmarrjes që drejton, sistematikisht po vazhdon të pastrojë dhe të bëjë që rruga Gostivar – Dibër të mbetet e kalueshme për të gjitha llojet e automjeteve me qëllim furnizimin e qytetit të Dibrës i cili është dhe në karantinë.

“Rrugët që shpijnë drejt Dibrës do të bëjmë të pamundurën që të mbeten të kalueshme për të gjitha llojet e automjeteve, me qëllim që banorëve të atjeshëm të mund t’u ofrohet ndihmë në çfarë do aspekti. Ekipet e motorizuara të Ndërmarrjes Publike “Rrugët e Maqedonisë” do të jenë në terren 24/7 dhe do të asistojnë në çfarë do rasti që do ta kërkojë nevoja”, deklaroi Memeti

Sipas drejtorit të NP “Rrugët e Maqedonisë” të gjitha autostradat e Maqedonisë së Veriut deri më tani janë të kalueshme dhe nuk është regjistruar asnjë ankesë për ndonjë rrugë të bllokuar edhe pse vendi është kapluar nga reshje intensive të borës.

Pasojat e pandemicë Covid-19 në ekonomi

            Pasojat e pandemicë Covid-19 në ekonomi

Doc D-r Jeton Shaqiri

Një nga problemet më të diskutueshme sot në botë është ekonomia, gjendja dhe perspektiva e saj pas Covid-19.  Për të gjithë shtrohet pyetja Çfarë po ndodh me ekonominë sot? Çfarë pasojash ka aktualishtpandemia e Covid-19? Çfarë pasojash do ketë në ardhmen? A do të ndryshojë sjellja e shoqërisë njerëzore? A do ndryshojë sjellja e shoqërisë ndaj qeverive të tyre? A do ndryshojë sjellja ndaj vendeve të tjera në fushën ekonomike, sociale e kulturore? A do të ndryshojnë vetë sistemet ekonomike?A do të ndryshojë qëndrimi qeverive ndaj militarizimit të ekonomive? A do të ndryshojë qëndrimi i qeverive ndaj kujdesit shëndetësor? A do ndryshojë qëndrimi ndaj pronës shtetërore dhe interesit privat, etj, etj?

Unë do përpiqem të hedh disa mendime dhe konsiderata të përgjithëshme të shprehura nga economistë të tjerë në botë.

-Cili do jetë ndikimi i Covid- 19 në ekonomi?Shkalla e dëmit në ekonomi do të varet nga shumë faktorë, nga hapat që do të ndërmarrin autoritetet për ta përmirësuar situatën shëndetësore dhe sa mbështetje ekonomike qeveritë janë të gatshme të akordojnë gjatë ndikimit të menjëhershëm të epidemisë dhe pasojave.COVID-19 ka të ngjarë i kushtojë ekonomisëbotërore 1 trilion dollarë gjatë vitit 2020. “Ne parashikojmë një ngadalësim të ekonomisë globale në nën dy përqind të këtij viti, dhe kjo ndoshta do të kushtojë në rendin prej 1 trilion dollarë, krahasuar me atë që njerëzit po parashikonin në shtator,” tha Richard Kozul-Wright, Drejtor,UNCTAD.

Shembulli i Kinës tregoj se ekonomia në këtë situatë shkon drejt rënies së përgjithëshme, kështu eksportet Kineze ranë me 17.2%, shitjet e automobilave ranë me 80% vetëm për dy muajt e parë të vitit. Sipas studjuesit Khan A.H bota po përballet me perspektivën e një recesioni të thellë dhe të qëndrueshëm global. “PBB-ja kineze do të bjerë me disa pikë përqindje. BE do të humbasë rreth dy pikë përqindje dhe SH.B.A ndërmjet një dhe një e gjysmë përqind. Me rënien e çmimeve të naftës, ekonomitë prodhuese të naftës tashmë po pësojnë rënie ekonomike. Efektet direkte dhe indirekte të COVID-19 do të përkeqësojnë këtë prirje”. OECD parashikoi që COVID-19 do të ulë rritjen globale të PBB-së me një gjysmë pikë përqindje për vitin 2020 (nga 2.9 në 2.4 përqind); Bloomberg Economyics paralajmëron se rritja e PBB-së gjatë vitit të plotë mund të bjerë në zero në një skenar pandemik të rastit më të keq. Sipas institucioneve financiare ndërkombëtare dinamika e PBB paraqitët si më poshtë:

Në këtë mënyrë situata ekonomike ndërkombëtare nuk është optimiste. Ajo do të ulet në nivelet e vitit 2001, më e lartë se viti 2008 por më e ulët se vitet e tjera 1995 -2019.Secili vend i prekur ka marrë masat përkatëse për të zbutur pasojët në ekonomi, kryesisht nëpërmjet politikave monetare dhe fiskale lehtësuese. Në këtë mëynrë janë realizuar ulje të normave bazë të interesit prej Bankave Qëndrore, janë shtyrë pagesat e kredive dhe të detyrimeve ndaj taksa-tatimeve etj. Janë marrë përsipër pagesat e plota ose të pjesëshme e punonjësve që dalin jashtë tregut të punës për një periudhë përkatëse, kompensime pagash apo furnizime meushqime. Masatë dukëshme ka marrë Gjermania me një paketë prej 500 mld euro në mbështettje të biznesit, Franca, Italia dhe Spanja. Në këtë drejtim po mer masa edhe USA. Vendet e vogla si Maqedonia e Veriut janë më lehtë të menaxhueshme.

Industritë kryesore Maqedone përqëndrohen kryesisht në përpunimin e  ushqimit, në pije, tekstile, kimikate, hekur, çelik, çimento, energji, farmaceutikë, pjesë automobilistike, et. NëProdhimin e Brendshëm Bruto(PBB), bujqësia zë rreth 9%, industria 26% dhe shërbimet 65%.  Kjo strukturë e PBB jep shpresa të mëdha se rënja ekonomike e Maqedonisë së Veriut nuk do jetë e madhe por e moderuar.

Sektori bujqësisë nuk do preket prej kufizimeve qeveritare, përkundrazi ai do të stimulohet në të gjitha aspektet, veçanërisht në vëllimin e shitjeve dhe në nivelin e çmimeve.

Sektori industrisë do ketë luhatje por jo rënje të dukëshme sepse në Republikën e Maqedonisë së Veriut ka sektorë prodhues të diversifikuar jo me përqëndrime të dukeshme të fuqisë punëtore.Maqedonia e Veriutnuk dominohet prej call-centrave dhe fasonerive siç dominohet ekonomia Republikës së Shqipërisë apo ekonomi të vendeve të tjera. Problem do të paraqitennë sektorin shërbimeve ku mundësia e marrjes së masave higjeniko-karantinore është shumë më e madhe. Në këtë mënyrë struktura e PBB favorizon një ndikim të vogël negativ  të Covod-19.

Republika e Maqedonisë së Veriuteksporton produkte ushqimore, pije, duhan; tekstile, prodhime të ndryshme, hekur, çelik; pjesë automobilistike etj. Vendet kryesore ku eksporton Maqedonia e Veriut janë Gjermania me 48.1%, Bullgaria me 5.7%, Serbia me 4%, Belgjika dhe Greqia me 3.5% etj. Eksporti me Gjermaninë është një pikë e fortë e ekonomisë sëMaqedonisë së Veriut, sepse Gjermania është vend i fuqishëm dhe me ekonomi të qëndrueshme, kështuqë pesha e eksporteve të Maqedonisë së Veriutnuk zë ndonjë peshë në importet Gjermane. Për këtë arsye eksportet me këtë vend nuk priten të ulen, për shkaqe të jashtëme. Ky faktor duhet të shfrytëzohet nga ekonomia  e vendi tonë.

MV importon kryesisht makineri dhe pajisje, automobila, kimikate, karburante, produkte ushqimore etj. Vendet kryesore janë Gjermania me 12%, Anglia me 10%, Greqia 8%, Serbia 7.1%, Kina 5.9%, etj. E veçantë është se Maqedonia e Veriut importin e ka mjaft të diversifikuar, në këtë mënyrë importet e saj nuk do kenë ndonjë rënie të dukëshme, kjo edhe për faktin se vendet kryesore kanë më pak mundësi ta kufizojnë importin me Maqefoninë e Veriut, sepse këto produkte nuk zënë ndonjë peshë të dukëshme në eksportet e tyre.

Masat që ka marë qeveria e e vendit janë  dhe do jenë me ndikim pozitiv dhe stimulues në ecurinë e ekonomisë. Ajo ka vendosur kufizime të arsyeshme pa penguar mundësinë e aktiviteteve që nuk kanë ndonjë rezik për përhapjen e Covid-19.

Janë marë një sërë kufizimesh për vetë popullatën. Kështu u ndryshua orari i lëvizjes së banorëve  nga ora 21:00 deri në ora 05:00, Veçohen kategoritë: mbi 67 vjetë u ndalohet lëvizja nga ora 11:00 deri në ora 05:00 ditën e rradhës, Banorëve nën moshën 18 vjeçare u ndalohet lëvizja nga ora 21:00 deri në ora 12:00 ditën e rradhës. Gjithashtu Qeveria solli vendim që të ndalohet zbatimi i ligjit për përmbarim deri më 30 Qershor të 2020-ës. Përmbaruesit janë të obliguar të ndërpresin veprimet e zbatimit të përmbarimeve.”

-Cilët sektorë do të preken? Sektorët më të prekur të ekonomisë janë sektori turizmit dhe i industrive të lidhura me të, sektori transportit ajror, etj. “Shoqata Ndërkombëtare e Transportit Ajror paralajmëron se COVID-19 mund tu kushtojë transportuesve ajrorë globalë midis 63 miliardë dhe 113 miliardë dollarëve të ardhura në vitin 2020”.  Dëme do psojnë sektorët e hotelerisë dhe të restoranteve që janë pjesë e turizmit ndërkombëtar. Dëme do psojë kompanitë e filmave, dhe përgjithësisht industritë që kanë shkallë të ulët mekanizmi që kanë një përqëndrim të dukshëm të fuqisë punëtore siç janë call-centerat, fasoneritë etj. Dëme më të ulta do të ketë sektori i bujqësisë. Ky është edhe sektori që duhet stimuluar më forcë aktualisht.

-A do prektet sektori energjisë? Sektori i energjisë ishte sektori i parë që u prek dhe që do vazhdojë të vuaj në vazhdim pasojat e krizës që po kalon e gjithë ekonomia botërore. Ulja e kërkesës për energji bëri që të ulet edhe niveli i çmimeve të ofertës. U organizuan një sërë takimesh për të ruajtur nivelin ekzistues të çmimeve, duke ulur prodhimin me 1.5 ml fuçi në ditë, sidomos midis Rusisë dhe Arabisë Saudite, por këto bisedime ishin të pa suksesëshme. Pas vendimit saudit, Brent Crude ra më shumë se 20 përqind, rënia më e mprehtë një ditore që nga viti 1991, dhe pritet që ky fenomen të vazhdojë edhe në të ardhmen. Dëmi nga lufta e çmimeve saudite-ruse dërgon një sinjal shqetësues për tregjet, veçanërisht duke marrë parasysh rolin aktual të Arabisë Saudite si president i G20. Në teori, çmimet e ulëta të naftës ndihmojnë vendet importuese të naftës, por aktiviteti i depresionit për shkak të COVID-19 mund të kufizojë këtë përfitim. Përfitojnë vende si Kina, Japonia, India etj, ndërsa humbasin vende si Rusia e cila është eksportuese e madhe e gazit dhe naftës, Venezuela, Irani, etj.

Si janë përgjigjur qeveritë ndaj mbështetjes së rezultateve ekonomike nga epidemia?

Në Kinë, e cila ishte epiqendra e pandemicë zyrtarët njoftuan miliarda kredi për qëllime të veçanta për kompanitë që përballen me kufizime të likuiditetit, si dhe mbështetje financiare për sektorë të veçantë siç është aviacioni.

Në Shtetet e Bashkuara, Rezerva Federale uli nivelin e NBI në 0.25 pikë, inkurajoi institucionet financiare që “të plotësojnë nevojat financiare të klientëve dhe anëtarëve të prekur nga koronavirusi, “një veprim që synon të mbështesë kushtet financiare për të parandaluar që tronditja e rritjes të shndërrohet në një krizë më të gjerë financiare etj. “Vendet që njoftojnë masa fiskale vetëm këtë muaj përfshijnë Japoninë (9.6 miliardë dollarë, ose 0.19 përqind të PBB-së), Korenë e Jugut (9.2 miliardë dollarë, 0.56 përqind të PBB-së) dhe Italinë (4.1 miliardë dollarë, 0.20 përqind të PBB-së). Përshtatshmëria e këtyre shpenzimeve do të varet nga rruga e virusit, si dhe nga efektiviteti i masave të tjera për të përmirësuar rrjedhjet negative nga tronditja e rritjes”.Fondi Monetar Ndërkombëtar dhe Banka Botërore javën e kaluar njoftuan disponueshmërinë e financimit 50 miliardë dollarë dhe 12 miliardë dollarë, përkatësisht, për të mbështetur të ardhurat e ulëta dhe përgjigjet e ekonomive të tregut në zhvillim ndaj virusit.

Çfarë ndryshimesh janë të nevojëshme të bëhen në të ardhmen?

-Qëndrimi ndaj shtetit. Thyerja e modelit ekonomik-individualizmi. Eric Klinenberg profesor i sociologjisë dhe drejtor i INJP në Universitetin e New York thekson:“Tani po shohim që modelet e bazuara në treg për organizimin shoqëror dështojnë, në mënyrë katastrofike, pasi sjellja vetë-kërkuese (që pasTrump) e bën këtë krizë aq shumë më të rrezikshme sesa duhej të ishte.Ekonomia – dhe rendi shoqëror që ndihmon – do të shemben nëse qeveria nuk garanton të ardhura për miliona punëtorë që do të humbin punët e tyre në një recesion të madh ose depresion. Pandemia e koronavirusit do të shkaktojë dhimbje dhe vuajtje të jashtëzakonshme. Por do të na detyrojë të rishqyrtojmë kush jemi dhe çfarë vlerësojmë, dhe, në planin afatgjatë, mund të na ndihmojë të rizbulojmë versionin më të mirë të vetvetes”.

Qeveria duhet të vlerësojë mendimin e ekspertëve, të marri mendimin e mjekëve profesionistë, apo të shkencëtarëve të fushave të tjera, para se vendi të kalojë nëpandemi. Njerëzit duhet të binden se “qeveria është çështje për njerëzit seriozë”.

-Qëndrimi ndaj modelit ekonomik. Pandemia ka vënë në dilemë edhe sistemet ekonomike të botës, sistemet e polarizimit të shoqërisë dhe ekonomisë. Nuk është e rastësishme që në Itali u afruan ndihma nga Kina, Kuba dhe Rusia, vende që nuk janë të një sistemi mirëfilltë të ekonomisë së tregut por përgjithësisht janë ekonomi mikse. Kjo situateë kërkon ti jepet përgjigje pyetjes a duhet që ekonomia globale të kalojë në një ekonomi mikse, në ekonominë sociale të tregut?

-Rishikimi marrëdhënieve tregëtare. Sipas analistëve të ndryshëm duhen rishikuar edhe marrëdhëniet tregëtare me vendet e tjera. Kështu Pandemia e koronavirusit do të krijojë presion në lëvizje ndaj korporatave për të peshuar efikasitetin dhe kostot / përfitimet e një sistemi të globalizuar të zinxhirit të furnizimit kundër qëndrueshmërisë së një zinxhiri të furnizimit me bazë në familje. Kalimi në një zinxhir të furnizimit të brendshëm më të fortë do të zvogëlojë varësinë nga një sistem global i furnizimit gjithnjë e më i thyer. Por ndërsa kjo do të siguronte më mirë që njerëzit të marrin mallrat që u duhen, kjo zhvendosje ka të ngjarë të rrisë kostot për korporatat dhe konsumatorët”. Në këtë mënyrë kalimi nga sektori jashtëm në sektorin e brendshëm do sjellë shtrënjtim të jetesës dhe humbjen e pjesëshme të avantazhit relativ, ose avantazhit krahasues i cili është edhe në themel të tregëtisë.

-Qëndrimi ndaj njeëzve të tjerë dhe shoqërisë.Humbja e pafajësisë, ose vetëkënaqësia, është një mënyrë e re e të qenurit-në-botën që ne mund të presim të ndryshojë të vepruarit e njerëzve. Ne e dimë tani që prekja e gjërave, të qenurit me njerëz të tjerë marrja frymë nga ajri në një hapësirë ​​të mbyllur mund të jetë e rrezikshme. Ndërgjegjësimi do të jetë i ndryshëm për njerëz të ndryshëm dhe në vende të ndryshme, por kurrë nuk mund të zhduket plotësisht tradita. Mund të bëhet natyra e dytë që të heqim dorë nga shtrëngimi i duarve ose prekja e fytyrave tona – dhe të gjithë mund të biem trashëgim i OCD-së në mbarë shoqërinë, pasi askush nga ne nuk mund të ndalojë së lari duart. Komoditeti për të qenë në prani të të tjerëve mund të zëvendësohet nga një rehati më e madhe me mungesë, veçanërisht me ato që nuk i njohim ngushtë. Paradoksi i komunikimit në internet do të vlerësohet: Krijon më shumë distancë, po, por edhe më shumë lidhje, pasi ne komunikojmë më shpesh me njerëz që janë fizikisht më larg dhe më larg – dhe që ndjehen më të sigurt për ne për shkak të asaj largësie.

Zaev: Fillojmë bisedimet për anëtarësim në BE

Është sjellë vendim! Maqedonia Veriore fillon negociatat e bisedimit me Bashkimin Europian. Një vendim historik në këto periudhë të vështirë për popullin tonë.

Nuk ka më pengesa apo kushte. Komisioni Europian do të bëj përgatitjet dhe konferenca e parë ndërqeveritare do të mbahet sa më shpejt që të jetë e mundur.

Urime qytetarë, pasi kemi arritur të dalim në rrugën drejt NATO-s dhe BE-së, së bashku do të sfidojmë edhe virusin që po ‘sulmon’ botën!

Muhamed Sejdini dhuron tre automjete të ndihmës së shpejtë për spitalin e qytetit të Shkupit

FFM ka blerë tre automjete ambulance me dedikim për Spitalin e Qytetit të Shkupit, si donacion në këto momente të krizës me shëndetin e qytetarëve shkaku i përhapjes së koronavirusit.

Në kohën kur futbolli dhe sportet në përgjithësi janë të paralizuara në tërrësi dhe kur virusi COVID-19 është sfida e vetme dhe kryesore në gjithë botën, presidenti i Federatës së futbollit të Maqedonisë, Muamed Sejdini vjen me një gjest të madh humanitarë. Drejtuesit e FFM-së kanë gjetur mënyrë origjinale për të qenë aktiv në interes të shoqërisë në përgjithësi pikërisht në kohën kur sporti ka dalë në plan të dytë, pasi realisht për momentin nuk ka kuptim e as hapsirë të flasësh për të. FFM blenë tre automjete ambulance me dedikim për Spitalin e Qytetit të Shkupit, si donacion në këto momente të krizës me shëndetin e qytetarëve shkaku i përhapjes së koronavirusit.

Numri një i shtëpisë së futbollit vendorë, Sejdini ka firmosur edhe zyrtarisht kontratën për blerjen e tre automjeteve të tipit Citroen, prodhim i vitit 2020, të cilat do të përshtaten në makina ambulance me të gjitha paisjet e nevojshme për një ambulancë lëvizëse bashkëkohore. Të njejtat vihen në dispozicion të Spitalit të Qytetit të Shkupit në drejtim të ritjes së kapaciteteve për intervenim dhe ofrim të asistencës mjekësore në këtë periudhë të krizës dhe “luftës” me virusin korona, që vazhdon shtrirjen në vendin tonë.

Gjest i madh, human dhe për tu përshendetur i Federatës së futbollit të Maqedonisë që edhe një herë dëshmon në vepër kujdesin e veçantë për shoqërinë jo vetëm sportive, por në përgjithësi në vend.

Edhe 5, super projekti muzikor nga V41DON (Video)

Industria muzikore shqiptare aktualishtë është shumë produktive, fal artistave të talentuar dhe përqafimit me rryma të reja muzikore kjo industi po sundon Europen. Një artist i ri po që premton shumë në industrinë e muzikës është V41DON. V41DON sapo ka publikuar projektin e ti më të ri me titull “ EDHE 5 ” . Ky projekt është punuar në mënyr shumë profesionale dhe Artisti ne fjal e sjell të interpretuar në mënyrë të veçantë, këngë e cila pritet të rezultojë shumë e suksesëshme. Shumë prej artistëve tanë edhe pse emra të rinj janë pritur mirë nga publiku, V41DON është një emër që premton të ngritet shpejt në skenë e muzikes shqiptare . Kënga – EDHE 5 menjëher pas lansimit në youtube është vërshuar nga klikimet dhe komentet me nota pozitive. Përndryshe ky mega projekt është projekti i par nga V41DON.

https://www.youtube.com/watch?v=IzCsMVX9wN0

Muki mbështet Zaevin për uljen masive të rrogave të qytetarëve (Video)

Sonte në emisionin Click Plus në TV21 që realizohet përmes lidhjes Skype, debatojnë nënkryetari i LSDM-së Muhamed Zekiri, Arbër Ademi nga BDI, Elmi Aziri nga ASH si dhe ekonomisti Visar Ademi, në lidhje me pakon e masave ekonomike të shpalosuara nga ish-kryeministri Zaev.

Deputeti Zekiri theksoi se pakoja përmban 15 masa ekonomike dhe për momentin vetëm një pikë, ajo ulja e rrogave paraqet debat në opinion. Ai thotë se ata që reagojnë kundër uljes së rrogave në sektorin publik nuk e kanë kuptuar seriozisht situatën, dhe se nëse kanë ndonjë ofertë tjetër duhet të paraqesin.

#Zekiri në #ClickPlus: Ata që janë kundër uljes së rrogave për administratën, lë të ofrojnë zgjidhje tjetër!

Gepostet von TV21 am Montag, 23. März 2020

Noah Studio: Fotografia, shërim i mendjes dhe i shpirtit

Dite te veshtira po kalon çdo banor i planetit Toke keto kohe kur nje armik i padukshem na ka shpallur lufte. Nje virus, ka sjelle trazirat me te medha fizike, biologjike e shpirterore. “Noah Studio”, na sjell nje punim aq te bukur per rendesine e fotove ne gjendjen tone shpirterore, momenteve te fiksuara ne nje foto…!

Kreu i Kumanovës, Dimitrievski i rekomandon qeverisë të vendos orë policore

Kreu i komunës së Kumanovës ka kërkuar nga qeveria që të vendos orë policore nga sonte në gjithë teritorin e komunës së Kumanovës, ndërkohë që sipas tij ora policore kërkohet nga ora 20 deri në orën 05 të mëngjesit.

Kumanova si qytet por edhe Maqedonia si shtet nuk duhet të lejojmë që të ndalemi këtu, jemi të detyruar që të luftojmë kundër të keqes dhe jemi të bindur se me gjithë kapacitetet si njerëzore dhe natyrore do ia dalim nga ky problem, shtabi komunal për mbrojtje dhe shpëtim i propozon qeverisë që të vendos orë policore në komunën e Kumanovës dhe atë nga sonte prej ora 20 deri në orën 05 të mëngjesit, të kufizohet lëvizja për njerëz që dalin pa nevojë, thuhet mes tjerave në njoftimin e Dimitrievskit.